Afutila ue phala ene makuinhi a tatu a midi ni midi jiiadi ja makalu, a kolomona ue Sobha ia Mahaka ni mundu uê ua masoladi a ita, ene eza, hé a-ta kibuta bhua zukama ni Madeba. O ana a Amone ue a dibhongolola mu mabhata mâ, anga a tunda, eza ku ita.
Kienhiki ni Hexebone ni Eleiale, ia ku jingololo; dízui diâ u dʼivila ku Jahaze; kia bhangesa kuila, makuenze a maneka mu Mouabhe a di kola, a kala ni kikote kia dikota, muenhu uâ ua kenana.
Oxi-phe tua i bhitisa muene ku undundu uetu, thembu ienhoio; tunde kiá ku Alouele ua zukama ni honga ia Anone, ni kaxaxe ka mulundu ua Ngiliiade ni jisanzala jê, nga i bhana ku anʼa Lubene ni anʼa Ngadi.
Moxi kiá Sihone, sobha ia Mamodi, ua tungile mu Hezebone, o utuminu uê kia kexi mu tumina, tundé ku Alouele ku mbandu ia kahonga ka Anone ni mu kiuanu kia kahonga kenhaka, tunde ue kaxaxi ka Ngiliiade ni ku kahonga ka Jaboke, mu mbambe ia anʼa Amone;
Kuma kua tundu kiá miiji iiadi ni kaxaxi, a a bhele kiá undundu uâ kuala Mozé mu sámbua dia Njolodá; maji-phe jilevita ka a bhana undundu ua kima muʼaxaxi kâ.
Jilevita-phe (anʼa Levi) ka-nda kutambula kibatu muʼaxaxi kenu, kikale undundu uâ ene o kubhanga kikalakalu kia unganga uangene ua Jihova. O Ngadi, ni Lubene ni kaxaxi ka muiji ua Manasa, a tambula kiá ubhinganu uâ ku sámbua dia Njolodá, ku thunda, ua a bhele Mozé, o mukalakadi ua Jihova.
Tundé bhuoso bhaná, bhua tunga Izalaiele mu Hexebone ni jisanzala jê, ni mu Alouele ni jisanzala jê, ni mabhata moso ku sámbua kunu dia Anone, hâma jitatu kiá ja mivu jitena; tundé kizuuʼokio ixi iii ki mu i tambuila-hi kiá okulu?