Josuué 13:13 - O Mikanda Ikola

¹³ Maji-phe anʼa Izalaiele ka kaiesele akua Jesule, né akua Makata, kienhiki Jesule ni Makata axalela muʼaxaxi ka Izalaiele, ʼté ni mu kizuua kia lelu.

Josuué 13:13 ပူးပေါင်းရင်းမြစ်များ

Dimatekenu 35:22

Anga ki bhita-phe kuila, kioso Izalaiele kia tungu hanji mʼoxi muenhomo, Lubene uia u zeka ni Bila, mukamʼa phaiʼâ; Izalaiele anga u kʼivua. O anʼa Jakobo-phe a mala a kala kuinhi dia muthu ni kiiadi;

II Samuuele 10:6

Anʼa Amone kia mono kuila a di nuhisa zumba diaiibha kua Davidi, anʼa Amone a tuma kukasa akua Sídia bhu Bete-Lehobo ni akua Sídia mu Zoba, makuinhi aiadi a midi ia muthu, akua kuenda bhoxi, ni sobha ia Mahaka ni midi ia muthu, ni akua Tobu kuinhi dia midi ni midi jiadi.

II Samuuele 3:3

kaiadi Kileiabe, monʼa Abingaile mukaji a Nebale, mukua Kalumelo; katatu Abisalone, monʼa Mahaka, uavu tatʼâ Talamai, sobha ia Ngexule;

Dialuilu 33:55

Maji akua-xi-phe, ki mu fula o ku a kaiesa, ku pholo ku muia, oso mua ehela-mu, a kà di bhanga kala minha mu mesu enu, jisongo mu jimbanji, à kʼenda ni ku mi tatesa, mʼoxi i mua tungu.

Matendelelu 3:14

Jaíle monʼa Manasa, muene kiá ua tambuile o dikaẋi dioso dia ixi ia Angobe katé mu kiuanu ni akua Jesule ni akua Mahaka, anga u i luka dijina diê uixi: Basane-ia-Havote-Jaíle, katé mu kizuua kia lelu.)

Josuué 12:5

O utuminu uê ua bhitile mu mulundu ua Helemone, ni mu Salaka, ni mu Basane ioso, u di kunga ni mbambe ia akua-Jesule ni akua-Makata, ubhitula kaxaxi ka Ngiliiade, mu mbambe ni Sihone, sobha ia Hezebone.

Josuué 13:11

ni Ngiliiade, ni mbambe ioso ia akua Jesule, ni akua Makata, ni mulundu uoso ua Helemone, ni Basane ioso katé Sálaka;

Josuué 13:12

Ni utuminu uoso ua Joke mu Basane, ua hingile usobha mu Jitalote ni mu Dilei; muene kiá ngó ua subhukile ku mazonda a xahulu (o Jinefalimi), ió a mu jibhile kuala Mozé iú ua mu muange-mu.

Josuué 13:14

O mu kuuana ubhinganu, Mozé o muiji ua Levi ka u bhana kima; mukonda o jisata ja kuoha, ja bhana kua Jihova Nzambi ia Izalaiele, diene o dikanda diâ dia ubhinganu, kala kia a ambelele kiá.

I Samuuele 27:8

Davidi ni makuenze mê anga aia ni kutunda mu kúlua ni akua Ngesula ni akua Ngelesita, ni akua Amaleke; kuma ene akuaʼxi a kexile-mu, mʼokulu, tunde ku Sule, katé ku ixi ia Ejito.