Josuué 13:1 - O Mikanda Ikola

¹ Anga Josuué u kuka, ua sunga-ku kiá ku izuua iê; Jihova anga u mu ambela uixi; Eie uakukʼó, ku izuua ua sunga-ku kiá; oxi-phe, iabhingi o ku i tambula, hanhi muene ia nzungule.

Josuué 13:1 ပူးပေါင်းရင်းမြစ်များ

Dimatekenu 18:11

Kialʼiki-phe, ni Mbalahamu ni Sala a sunga-ku kiá muene ku izuua iâ, a kuka; o Sala-phe ua batuka kiá kuia mu ijiia.

I Jisobha 1:1

Kiki kuila sobha Davidi ua kuka kiá, ua bhange kiá mivu iavulu, uabokona kiá mu izuua iê iasukidila-ku, ela a mu futa mavunga, maji-phe mu mukutu uê ki mu xikina kuiza munza, lémbué!

Dialuilu 34:12

bhu Aime anga i kulumuka ue ni Njolodá katé ku Kalunga Ka Môngua. Iene ixi ienuʼiii mu jimbambe jê, kala kia i xindi.

Dialuilu 34:2

Tuma anʼa Izalaiele, u a ambela, kuma: Kioso ki mu bhiẋila mʼoxi ia Kanana, kuma iene ixi i mua-nda kulundula, ixi iii, ia Kanana, jimbambe jê jenhiji:

Luka 1:7

Ene-phe ka moneka mona, mukonda Nzebele ua kexile mbaku; o ene kiiadi kiâ, a kuata kiá mivu iavulu.

Matendelelu 31:3

O Jihova Nzambi ié muene ua-nda ku ku tuamenena ku pholo. O akua jixi jiji, iá muene ua-nda ku ku jikinisina-u, nda eie u vue oxi iâ. Josuué muene u ku kala ku pholo ia ku ku endesa, kala kiambe Jihova.

Josuué 13:2

Ngi ku londekeza oxi ioso ia sukamena hanji, ienhiʼii; Tala, kua subhuka hanji o jimbambe joso ja akua-Fidixia, ni Jesule ioso-lolo.

Josuué 14:10

O kiki-phe ua mono, Jihova ua ngi bhake hanji ku muenhu, kala kia ki tanga muene, makuinhi auana a mivu ni itanu ioso iii, tunde Jihova kia zuela o maka iá kua Mozé, mu thembu ioso iala hanji anʼa Izalaiele mu kuenda mu kikangalakata; leluʼidi-phe hanji eme-ami-ú, ngala kiá mu makuinhi nake a mivu nʼitanu.

Josuué 18:3

Josuué iu uambela anʼa Izalaiele, uixi: Mu landuka katé bhebhi, ni ku kamba kuia mu kúvua oxi ia mi bhana kuala Jihova Nzambi ia jitata jenu?

Josuué 20:1

Jihova anga uambela dingi Josuué, uixi;

Josuué 24:29

Anga kibhita-phe kuila, imʼii ki ia bhiti, Josuué, monʼa Nune, mukalakadi uangene ua Jihova, uafu; mivu ia Josuué ia tenene kiá hama ia mivu ni kuinhi.