Josuué 12:1 - O Mikanda Ikola

¹ O munôno ua jisobha jaʼxi, ja buila bhu lukuaku lua anʼa Izalaiele, kia a tolola, anga á vua oxi ia sámbua diná dia Njolodá, ku mbandu ia mutundila-kumbi, uenhú: Tunde kiá ku kahonga ka Anone katé ku mulundu ua Helemone, ni dinhana dioso dia thunda.

Josuué 12:1 ပူးပေါင်းရင်းမြစ်များ

I Jisobha 4:19

Ngebele, monʼa Udi, muene a mu te mʼoxi ia Ngiliiade, ni ixi ia Sihone sobha ia Mamodi, ni ia Hoke, sobha ia Basane; ixi iosʼoio muene ngó o kimbadi kimoxi uala-mu.

Jisálamu 133:3

Mukuâ ni dimume dia mulundu ua Helemone di kulumuka ku milundu ia Ziione; kuma mu uphange kala kiki, Jihova ua bhake-mu dibesá, maji dibesá dia muenhu ki uà bhua dingi!

Jisálamu 136:21

Ua bhana oxi iâ ku i bhingana; kuma kulenduka kuê ki kuene kúbhua.

Jisálamu 89:12

Ni ku suku ni ku sulu eie-muène ua kalakala; ni milundu ia Tabola ni Helemone eie-muène ia ku tumbula.

Izaía 16:2

He ki mua ki bhange, ana-ilumba mu Mouabhe mu a sanga a sukemena bhu matabhu a Anone, a-nda kuila kala njila iala mu zungana, a i muange bhu kikalanga kiê.

Dialuilu 21:13

Kutunda bhobho, bhu Zelede, enda katé kia te kibangu kiâ ku sámbu dia Anone, mu kikangalakata ki tunda mʼoxi ia Mamodi; kuma mbambe honga ia None ni Mouabhe ni akua Amone.

Dialuilu 21:21

Izalaiele anga a tuma jiphunga kua Sihone, sobha ia akua-Amone, uixi:

Dialuilu 21:24

Izalaiele anga u mu kuama ni mazu a xibhata; a mu-bua ixi iê, tundé mu Anone katé mu Jaboke, ni ku mbambe ia anʼa Amone tule; kuma ku mbambe ia anʼa Amone kua kolo, mbata a xiti ku ni kimbaka.

Dialuilu 32:19

Mukonda etu ki tu tambula-nâ dingi undundu ku sámbua dia Njolodá, mba ku pholo kuná; mukonda undundu uetu a tu uanena-u kiá, ku sámbua kunu, ku thunda.

Dialuilu 32:32

Etu tu zaúka muene, tua maneka kuia ku ita, ku pholo ia Jihova ku sámbua dia Kanana, etu-phe undundu uetu ua xala ku sámbua kunu, dia Njolodá.

Dialuilu 32:33

Mozé anga u a bhana, ene anʼa Ngade ni anʼa Lubene, ni mbandu ia muiji ua Manasa, monʼa Zuze, utuminu ua Sihone, sobha iaʼ kua Amone, ni utuminu ua Hoke, sobha ia Basane, ixi ioso ni jimbongo jê, ni ikanzu iê, ni matutuʼê iene ioso kiá.

Matendelelu 2:24

Balumukenu-phe mu katuke ni kuenda, mu kuzaúka o honga ia Anone; talesa-phe Sihone, mukua-Mamodi, sobha ia Hezebone, nga mu bhakula bhu lukuaku lué, ni oxi iê ioso; bokona kiá mu kúvua undundu ué, muandekele muene mu kúlua-na phala mu bhange-nê mvunda.

Matendelelu 2:32

Bhenhobho Sihone anga u tu tundila, uiza ni muene ni mundu uê uoso, ita anga ibhitila bhu Jahaze.

Matendelelu 3:1

Anga tu biluluka, tu banda ni njila ia Basane; Hoke-phe, sobha ia Basane, utunda ku tu batuila ni muene ni mundu uê uoso, anga tulua-nê ita bhu Dilei.

Matendelelu 4:44

Kiki kiene o kitumu kia bhana Mozé ku anʼa Izalaiele.

Matendelelu 4:46

kia tula kiá ku sámbua kunu dia Njolodá, mu dikôlo dia lulama ni Mbete-piiole mʼoxi ia Sihone, sobha ia akua Mamodi, ua tungile mu Hezebone, a mu bomuene kuala Mozé ni anʼa Izalaiele mu ku tunda ku Ijito,

Matendelelu 4:48

Tunde kiá ku Alouele, bhu nzènde ia kahonga ka Anone, katé ku mulundu ua Siione; Siione-phe muene Helemone.

Josuué 1:15

Katé Jihova kia kà bhana akuenu kunhoha, kala kia mi bha-ku enu, ni a xikame mu jixi jâ, ja a bhana Jihova Nzambi ienu; kiene kiua ki mu vutuka, mu xikame kiambote mu jixi jenu ja mi bhana Mozé, ngunza ia Jihova, ku sámbua kuná dia Njolodá, ku tundila dikumbi.

Josuué 11:17

tundé ku mulundu ua Halake ua ku bandela ku Seíle katé ku Baale-ngadi, mu dikôlo dia Libano, mu betekete ia mulundu ua Helemone; jisobha jâ ua ji kuata ue, iu ua ji kuama muene, ua ji jibha.

Josuué 11:3

ni ku Makanana a thunda ni a luiji; ni ku Mamodi, ni Mahiti, ni Mapelezi, ni Majebuzi ku milundu; ni ku Mahivi mu betekete ia Helemone, mʼoxi ia Mispa.

Josuué 13:8

O kaxaxi kenhaka akuâ a tambuila kiá bhuamoxi ubhinganu uâ ni akua muiji ua Lubene ni akua Ngadi; Mozé muene ua a bhana-u ku sámbua diodio dia Njolodá, ku thunda; kala kia a xindilile Mozé, ngunza ia Jihova.

Josuué 22:4

Leluʼidi-phe kuma Jihova Nzambi ienu ua bhana kiá o thungu ni somo ku jiphange jenu, ia a nhoha kala kia ambelele muene, vutukilenu-phe kiá ku jibalaka jenu, ndé-nu kiá kʼoxi ia ubhinganu uenu, ua mi bhele Mozé, selevende ia Jihova, ku sámbua dia Njolodá kunhá.

Afundixi 11:18

Ku izuua anga a vutukila mu kikangalakata, ixi ia Edomo a i kondoloka, ni ixi ia Mouabhe; o ixi ia Mouabhe anga a i kunga ku mbandu ia thunda, eza a ta kibangu kiâ ku sámbua dia Anone; mbambe-phe ka i bokona ia ixi ia Mouabhe, kuma Mouabhe mbambe iê Anone.