Josuué 11:6 - O Mikanda Ikola

⁶ Jihova anga u ambela Josuué, uixi: Kana kukala ni uoma bhu pholo iâ; mbata mungu, bhu kumbi kala didi, ngʼa nemeka anga ngʼa bhakula kiua bhu pholo ia anʼa Izalaiele. Jikabalu jâ mu ji sènda o mixibha, o makalu mâ mu a oha mu túbhia.

Josuué 11:6 ပူးပေါင်းရင်းမြစ်များ

II Samuuele 8:4

Davidi anga u mu bua midi ia muthu ni hâma sambuadi, akua kumondala jikabalo, ni makuinhi aiadi a midi, makuenze akua kuenda bhoxi; Davidi anga u batula mixibha ia jikabalo, u xia-ku ngó ji tokala mu hâma ia makalu.

II Jisobha 6:16

Muene-phe, uixi: Ku kale ni uoma. Mukonda ala ni etu a beta kota, o ala ni ene ala ndenge.

II Malunda 20:16

Mungu mu kulumuka mu ku zoka-nâ; tala, ene anda kubandela ku mbanjidilu ia mulundu ua Ziji, mua ka di bongela-nâ kua suku o dikôlo, ku pholo ia kikangalakata kia Jeluuele.

Jisálamu 46:10

Mu batama, phala mu kʼijiie kuma eme ngi Nzambi; eme-muène ngi jînga muʼaxaxi ka matumbu; eme-muène ngi zangalala ue mu ngongo ioso.

Jisálamu 46:11

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 46:9

Ita ua i suikika katé ku maẋokolo aʼxi; uta ua mufula ua u bukula, dionga ua di batula mu kaẋi; o makalu a ita ua oha mu túbhia.

Jisabhu 20:7

Muthu ua iuka, uendela mu kuiuka kuê, ió kuzediua u ku xila anʼê, muene kia tunda-ku.

Izaía 30:16

Mukonda enu-phe muambe, muexi: Lémbue! Sembele tua di te ku jikabalu ni tu lenge; kiene kia-nda ku mi lengesʼokio; muexi, tu mondala kiá jingelenge; kiene-phe kianda kusakalela ue o jinguma jenu mu ku mi bhesa o lusolo.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izekiiele 39:9

Kienhokio-phe o ene oso a tungu mu jisanzala ja Izalaiele a kà tunda, hé à kʼoha o mata mâ, osololo muene, ni jingubu, ni jikadiakonda, ni mifula, ni misongo ia mifula, ni jimbangala ja maku, ni madionga; o iene iosuʼiii a kà i uikila túbhia mu sambuadi dia mivu.

Hozeia 14:3

Asídia ki muene ua-nda ku tu bhulula; o ku jikabalu ue ki tua-nda kumondala-ku dingi; o kima kia bhange kuala makuʼetu, ki tua-nda ku ki tangela dingi, kuamba: Eie, eie kiá u Nzambi ietu; mukonda o monʼa kitungu, ua kambe tata ni mama, kiadi u ki bongela momué.

Nahumu 2:13

Jihova dia Ifuẋi, uixi: Talesa, Eme ngala ku thandu dié; o makalu mé nga kà oha, a kituka dixi; o minzangala ié ia jihoji ia kà buika ku xibhata; o mu ixi mbole ié nga kà i katula-mu kiá muene, loló! o dízui dia akunjiʼé mu ngongo ka kà dʼívua dingi.

Matendelelu 7:16

Ifuẋi ioso i mi seiela Jihova Nzambi ienu, enu mu i jikinisa muene; ki mua kuatela henda, kana; o mahámba mâ ki mua a bheze, kuma kienhókio ki di bhanga mubhetu phalʼenu.

Josuué 10:8

Jihova anga u ambela Josuué: Kana ngó ku a kuatela uoma, mbata nga ku bhakuila-u bhu lukuaku lué; ki bhuala muthu ua-nda ku di fikidila bhu uatula eie.

Josuué 11:5

Jisobha joso jiji jiza, anga ji ta kibangu kiâ bhu menha ma Melone, phala kubhânga ni Izalaiele.

Josuué 11:7

Josuué-phe ni makuenze oso-lolo a ita aia-nê kumoxi, a diʼambatesa lusolo anga jinguma a ji tukumuisa bhu menha a Melone; anga a di lukula muenhu umoxi ku thandu diâ.

Josuué 11:9

Josuué anga u a bhanga muene kala kia mu tumu Jihova: jikabalu jâ ua ji sende o mixibha, o makalu â ua oha mu túbhia.

Josuué 3:5

Josuué anga uambela kifuẋi uixi: Di zelesienu; mukonda mungu, kuma ki kúkia, Jihova ua-ndu bhanga madiuanu muʼaxaxi kenu.

Afundixi 20:28

Exi: O kiki-phe tuia dingi lua mukuá mu kúlua ni anʼa Bejamí, o phange jetu, inga tu batuka-ku kiá? Jihova uixi: Ndenu-ku dingi; kuma mungu nga-nda ku a bhakula bhu lukuaku luenu.

Afundixi 7:9

Mu kukala-pe usuku uenhó, Jihova u ambela Ngidiione, uixi: Balumuka, u kulumuke mu kúlua kilômbo; kuma nga ki bhakula bhu lukuaku lué.

I Samuuele 11:9

Anga ambela jiphunga jeza, exi: Mua kà tangela akua Jabezi-Ngiliiade, kiki: Mungu katé bhu tuila muanha, mua kà bhanduluka. Jiphunga anga jiza ji kundila akua Jabezi, ene anga a sanguluka.