Josuué 11:2 - O Mikanda Ikola

² ni ku jisobha ja kexi ku kusuku, ku milundu, ni mu dinhana mu kuia ku sulu ia Kinelote, ni mu iphenza, ni mu Nafote-dole, ku nzènde ia kalunga, ku mubolokela-kumbi;

Josuué 11:2 ပူးပေါင်းရင်းမြစ်များ

I Jisobha 15:20

Anga Bhene-hadade u bhana mátui kua sobha Aza, hé u tumikisa o ilolo ia ifuẋi iê u a tuma kúlua ni jisanzala ja Izalaiele; anga u tolola Ijone ni Dane, ni Abele, ni Bete-mahaka, ni Kinelote ioso, ni ixi ioso ia Nafitali.

I Jisobha 4:11

Bebe-Abinadabe, mu thala ioso ia Ndodi (o muenhú, Na Tafate, monʼa Solomá ua muhatu, muene ua kexe mukajiʼê);

Dialuilu 34:11

Bhu Xefame i kulumuka katé bhu Dibalah; Aime ua xalela ku luiji, anga i kulumuka dingi, i di kunga ni Kizanga Kia Kinelete ku mbandu iê ia thunda;

Luka 1:39

Ki bhua bhiti tu-izuua, Madiia anga u balumuka, uia malusolo ku milundu, ku sanzala ia tokala ku Judeia.

Luka 5:1

Kizuua kia kala Jezú bhu mbandu ia kizanga kia Jenezalé, kifuẋi ki mu bhaka bhu ʼaxaxe, eza mù kuívua o maka ma Nzambi.

Josuué 10:40

Kala kiki, Josuué oxi iosuʼoio ua i tolola ni mu milundu, ni oxi ioso ia sulu, ni mu iphenza, ni mu jihonga ja menha, ni jisobha jê, buí; ka xisa-ku kima ki subhuka ni muenhu; inda ima ioso ibhuima ua i jikinisa muene, kala kia mu tumu Jihova Nzambi ia Izalaiele.

Josuué 10:6

Mala a tokala mu Ngibiione-phe, atuma jiphunga kua Josuué, bhu kibangu kia Jidingale, exi: Abhikʼé ku tu ehele-kiu; banda muene lusolo kunu, u tu kudile; tu bande, kuma jisobha joso ja Mamodi, a tunga mu mulundu munhá, a di phopho kumoxi, iá a tu kondoloka.

Josuué 11:16

Kienhiki Josuué kia tambula oxi iosuʼoio, ni milundu, ni sulu ioso, ni oxi ioso ia Ngozene, ni manhana, ni jingânga, ni milundu ia anʼa Izalaiele ni manhana mê;

Josuué 11:21

Mu thembu muenhomo, Josuué uejile anga u buikisa ue o ilebha, anʼa Anake, ku milundu ia Hebolone, ni ia Ndebile, ni ia Anabe, ni mu milundu ioso ia Juda, ni mu milundu ioso ia Izalaiele. Josuué anga u a jikinisa muene ni madiembu mâ.

Josuué 12:23

mukuâ, o sobha ia Ndole, mu Nafate-Dole; mukuâ, o sobha ia akua-jixi mu Jidingale;

Josuué 12:3

ngànga iosuʼoio katé ku musanza ua Kinelote ku thunda, katé ku musanza uala mu ngànga, o Kalunga ka Môngua ukexila ku thunda, mu kubhitila ku njila ia Bete-Jesimote, katé ku sulu, mu mbetekete ia Ajindode-pisga. Bhene bhua sukile o utuminu uê.

Josuué 13:27

o mu dikôlo ue, Bete-alama ni Bete-nimila, ni Sukote ni Safone ua subhukile-ku ku oxi ia utuminu ua Sihone, muenexi mu Hezebone, ni Njolodá ni mbambe iê, katé kua suku o musanza ua Kinelete mu Hezebone, ni Njolodá ni mbambe iê, katé kua suku o musanza ua Kinelete mu sámbua dia Njolodá ku mbandu ia thunda.

Josuué 17:11

Kuma mu Isakale ni mu Asele, Manasa ua tambula-mu Bete-Sane ni jimbambe ja utuminu uê, ni Ibeleiamu ni jimbambe ja utuminu uê, ni iá a tunga mu Ndole, ni jimbambe ja utuminu uê, ni iá atunga mu Ene-Ndole ni jimbambe ja utuminu uê, ni iá atunga mu Tanake ni jimbambe ja utuminu uê, ni iá atunga mu Mejido ni jimbambe ja utuminu uê; Kifua ibhuna itatu ia kufundila.

Afundixi 1:27

Manasa-phe u kamba kukaia akua Bete-Sane ni jisanzala jê, ni Taanake ni jisanzala jê, ni akua Ndole ni jisanzala jê, ni akua Ibeleiamu ni jisanzala jê, ni akua Mejidu ni jisanzala jê; Makanana-phe ia a jijila hanji kutunga mʼoxi ioso ioio.