Josuué 11:13 - O Mikanda Ikola

¹³ Hé kima, jisanzala ngó ja kexi ku thala ia tumilundu, jene ngó anʼa Izalaiele ja kambele ku ji jikatesa mu túbhia; Josuué iu ua jikatesa-ku ngó Hazole muene.

Josuué 11:13 ပူးပေါင်းရင်းမြစ်များ

Jelemiia 30:18

Jihova uambe, kiki, uixi: Tala, uhutile ua jibalaka ja Jakobo ngi u bhuisa-ku, anga mabhata mê ngi ma kuatela henda; o mbanza iê a kà i tunga dingi ku thanduʼa ibhela iê iòkulu, o dizemba dia sobha dia kà kala kala ki dia kexile jinge.

Josuué 11:12

Josuué anga u tambula o jisanzala josuʼiji ni jisobha jâ, u a bhitisa ku mazu a xibhata, katé kia a jikinisa muene, kala kia tumine Mozé, selevende ia Jihova.

Josuué 11:14

O madibhundila oso-phe a tundu mu jisanzala josuʼiji, ni ibhaku, anʼa Izalaiele a i bhûndu ni i kala iâ-ene; athu ene ngó a buikisa ku mazu a xibhata; ka xisa-ku muthu ni muenhu.

Josuué 24:13

Hé ngiia o ixi nga mi bhana-iu, maji kʼenu mua kalakala-mu o ima ioso i mua sange-mu, mabhata nga mi bhana-u, maji kʼenu mua a tungile; enu mua tungu mu mabhata muenhomo, muadi ku milenga iâ ia mivide ni ia midiva, maji enu kʼenu mua i phaphe.