Josuué 11:12 - O Mikanda Ikola

¹² Josuué anga u tambula o jisanzala josuʼiji ni jisobha jâ, u a bhitisa ku mazu a xibhata, katé kia a jikinisa muene, kala kia tumine Mozé, selevende ia Jihova.

Josuué 11:12 ပူးပေါင်းရင်းမြစ်များ

Matendelelu 7:2

Anga Jihova Nzambi ié u ku bhakuila-u phala ku a jibha, eie-phe buikisa-u muene, ene oso; kana kuta-nâ kikutu kia ukamba, kana ue ku a kuatela henda;

Matendelelu 9:3

Tumenu-phe ku kʼijiia, kuma lelu muene, Jihova Nzambi ienu, ua kà mi tuamenena ku pholo; muene-phe ua di bhanga túbhia tua muzukuta tu buikisa, ua-nda ku a tolola, enu anga mu a tundisa lusolo ni ku a jima o mbutu kala kia zuela Jihova.

Josuué 10:20

Kuila-phe, Josuué ni anʼa Izalaiele azubha ku a titidila ni kitaínga kiònene, katé kia a buikisa, oso a subhukile-bhu iá alengela ku madiembu ma beta o ku di fikidila,

Josuué 10:28

Mu kizuua kienhókio Josuué u tolola Makeda, oso ala-mu u a bhitisa ku mazu a xibhata; sobha ua mu jimisa mbutu, ni muene ni mienhu ioso iakexi-mu; ka xisa-mu kama ka subhuka; o sobha ia Makeda ua mu bhange kala kia bhangele sobha ia Jedikó.

Josuué 10:30

Jihova u mu bhakula ue bhu lukuaku lua Izalaiele, ni diembu ni sobha iê, iu ua mu bhitisa ku mazu a xibhata ni atu oso a kexi-mu; ka xisa-ku kama ka subhuka; o sobha iê ua mu bhange kala kia bhange sobha ia Jedikó.

Josuué 10:32

Jihova anga u bhakula Lakiji bhu lukuaku lua Izalaiele, ki kúkia iú bhu maku, anga, u mu bhitisa kiá ku mazu a mukuale ni muene ni athu oso a kexi-mu; kioso kia bhange mu Libina kiene ue kia mu bhange.

Josuué 10:35

anga a mu kuata maku (a mu tolola) kumbi dienhódio, anga a mu bhitisa ku mazu a xibhata; mienhu ioso ia kexi-mu, buí; ua i jikinisa mu kizuua kienhókio muene, xata-babá! kioso kia bhange mu Lakiji kiene ue.

Josuué 10:37

Hebolone a mu kuata, ia a mu bhitisa ku mazu a xibhata, ni sobha muene ni ji sanzala je mu jimbandu, ni athu oso a kexi-mu; ka xisa-mu muthu ni muenhu, ua a bhitisa ku xibhata kala mu Engolone; u a jikinisa muene, ni diembu ni mienhu ioso ia kexi-mu.

Josuué 11:13

Hé kima, jisanzala ngó ja kexi ku thala ia tumilundu, jene ngó anʼa Izalaiele ja kambele ku ji jikatesa mu túbhia; Josuué iu ua jikatesa-ku ngó Hazole muene.

Josuué 11:15

Kioso Jihova kia tendelele kua mukalakadi ué Mozé, kiene ue Mozé kia tendelela Josuué; Josuué-phe, kiene muene kia bhange; Ka selula diba, né ngó, ku ima ioso Jihova ia tendelela kua Mozé.

Josuué 13:6

ene-oso a tungu mu mulundu tundé Libanu bhu Mijilefote-maine, ni akua Sidonha osololo muene. Eme nga-nda ku a kaiesa muene mbé Izalaiele a mu bhue ku mesu. Hé kima, eie oxi iii uanena-iu anʼa Izalaiele mu jisorte i bhite muene ku ubhinganu uâ, kala ki nga ku ambelele kiá.

Josuué 21:44

Jihova anga u a bhana o kunhoha, kala kioso kia lokelele ko jitata jâ; mukonda ku jinguma jâ joso ki kua subhuka muthu ua tena kuimana bhu pholo ia ene; Jihova ua a bhana jinguma jâ joso muene bhu maku mi

Josuué 8:31

kala Mozé mukalakadi ua Jihova, kia tumu anʼa Izalaiele, kala kia ki soneka ue mu divulu dia ngonge ia Mozé, kuila, kalatódio ka kala ka matadi, a bundungulu, kana muthu luua ua bhitisa-ku felu ioso-ioso; anga a satela-ku kua Jihova, ni jisata ja kuoha, ni jisata ja uembu.

Josuué 8:8

Mbonge-phe hé mua i kuata, mu i ta túbhia; kabasa kizuelu kia tundu kua Jihova, kiene ki mu kaiela; alukenu-phe, eme nga mi tumuʼó.

Josuué 9:24

Ene-phe a kumbulula Josuué, exi: Etu, o kia tu bhangesa kiki, uoma ua kúfua, mbata kutanga o kidi, tuevu a tu kundu-kiu muene kuma o Jihova Nzambi ié ua tangela Mozé, selevende iê, kuila oxi ioso iii hinu u mi bhana-iu enu, o mundu uoso ua tunga-mu u u jikinisa; tuexi-phe, etu tuafu-ó.