Josuué 10:40 - O Mikanda Ikola

⁴⁰ Kala kiki, Josuué oxi iosuʼoio ua i tolola ni mu milundu, ni oxi ioso ia sulu, ni mu iphenza, ni mu jihonga ja menha, ni jisobha jê, buí; ka xisa-ku kima ki subhuka ni muenhu; inda ima ioso ibhuima ua i jikinisa muene, kala kia mu tumu Jihova Nzambi ia Izalaiele.

Josuué 10:40 ပူးပေါင်းရင်းမြစ်များ

I Jisobha 15:29

Anga ki bhita-phe kuma, Bahasa kia kala mu tumina, u jibha akua ʼbhata dia Jelobouamu oso. Ka xile-ku mukua Jelobouamu uala kubhuima, hé u kamba ku mu buidisa kala kiambe o kizuelu kia Ngana kia tangele mu ukunji ua ngunza iê Ahiia, mukua Silo,

Nehemiia 9:24

Kienhiki, anʼâ hé a bokona mu ixiʼoio, anga a i tambula i kala iâ; anga eie u tolola akua Kanana, a tungile-mu, hé u a bhana-nâ bhu maku, ni jisobha jê, ni akua ixi oso, ene nda a a bhange kioso kia a bhiti ku muẋima.

Jisálamu 9:17

Akua phulu a kà a takuila mu bombo dia kalunga; ni athu oso kiá a kamba kuxinganeka Nzambi.

Makatukilu 34:12

Dilange-phe, kana kuta kikutu kia ukamba ni akuaʼxi kuku ku uia, kuma ki u ki bhanga, ki kala múkala u ua di lungila.

Dialuilu 13:17

Mozé anga u a tuma kulonda ixi ia Kanana, u a ambela, uixi: Mu bandela muenhumu, mu bokuena ku sulu, mu milundu iê,

Matendelelu 1:7

Bilukenu, mu katuke, muie ku mulundu ua akua Mamodi, ni oso a zukama kuenhoko ni ku kiphenza, ni ku mulundu, ni mu dikôlo muná ni ku sulu, ni ku Nengabe ku mbanduʼa musanza, mʼoxi ia Kanana, ni ku Libano, katé kiá ku ngiji iadikota ia Ufâlate.

Matendelelu 2:34

Mu izuua ienhoio, anga tu mu bua o madiembu moso, mabhata mê moso tua ma buikisa, ni mala ni ahatu, ni tuana; ki tua xisa-bhu, né ngó muthu umoxi.

Matendelelu 7:24

Ua-nda ku ku bhakuila ue o jisobha jâ bhu maku mé phala eie u a jime o majina mâ kulu dia mundu. Ki bhua-nda kukala muthu u di ẋokuesa nʼenu katé Ki u abuidisa.

Josuué 10:35

anga a mu kuata maku (a mu tolola) kumbi dienhódio, anga a mu bhitisa ku mazu a xibhata; mienhu ioso ia kexi-mu, buí; ua i jikinisa mu kizuua kienhókio muene, xata-babá! kioso kia bhange mu Lakiji kiene ue.

Josuué 10:37

Hebolone a mu kuata, ia a mu bhitisa ku mazu a xibhata, ni sobha muene ni ji sanzala je mu jimbandu, ni athu oso a kexi-mu; ka xisa-mu muthu ni muenhu, ua a bhitisa ku xibhata kala mu Engolone; u a jikinisa muene, ni diembu ni mienhu ioso ia kexi-mu.

Josuué 10:39

Iá a mu kuata ni sobha iê, ni jisanzala jé mu jimbandu, anga a a bhitisa ku mazu a xibhata, mienhu ioso ia kexi-mu a i buikisa muene, ka xisa-mu kima ki subhuka. Kiene kia bhange kua Hebolone kiene ue kia bhange Ndebile ni sobha iê, mukuâ ni kia bhangele kua Libina ni sobha ie.

Josuué 11:16

Kienhiki Josuué kia tambula oxi iosuʼoio, ni milundu, ni sulu ioso, ni oxi ioso ia Ngozene, ni manhana, ni jingânga, ni milundu ia anʼa Izalaiele ni manhana mê;

Josuué 12:8

Athu oso kiâ a kexi mu milundu ni mu manhana, ni mu jingànga, ni mu ibonda ia menha, ni mu kikangalakata, ku sulu kunhá, ni ku Nangebe, ixi ioso kiá ia Mahiti, ni Mamodi, ni Makanana, ni Mapelezi, ni Mahivi ni Majebuzi, iòtambule kuala anʼa Izalaiele.

Josuué 18:21

O jisanzala ja muiji ua anʼa Bejamí, kioso kiende ku majiku mâ, jenhihi: Jedikó, ni Bete-Hokala, ni Emekesiji,

Josuué 6:17

O mbonge-phe a i koleka kuala Jihova, ni ima iê iene ioso iala-mu; Lahaba ngó dia kidia-nzunga, muene ngó ni muene ni jindandu jê aia-nê mʼonzo, mukonda muene ua suekele o ilolo i tua tumikisine, ene ngó a kola o muenhu.

Josuué 8:2

Ni Hai ni sobha iê, ua kà a bhanga kala ki ua bhànga Jedikó ni sobha iê; Inda o kiki-phe imbamba iê i mua-nda kubhûnda-mu, ni ibhaku iê, i kale kiá mbole ienu, mu i tambula kiá enʼuenu. U tuma athu kubatamena ku dima dia mbonge.

Josuué 8:27

Akua Izalaiele-phe anga a bhûnda ibhaku, ni ima ia ku di bongela mu mbonge ioio, anga i kala mbole iâ, ia tambula ene, kuma kiene kizuelu kia Jihova kia tumu kua Josuué.

Josuué 9:24

Ene-phe a kumbulula Josuué, exi: Etu, o kia tu bhangesa kiki, uoma ua kúfua, mbata kutanga o kidi, tuevu a tu kundu-kiu muene kuma o Jihova Nzambi ié ua tangela Mozé, selevende iê, kuila oxi ioso iii hinu u mi bhana-iu enu, o mundu uoso ua tunga-mu u u jikinisa; tuexi-phe, etu tuafu-ó.