Josuué 10:20 - O Mikanda Ikola

²⁰ Kuila-phe, Josuué ni anʼa Izalaiele azubha ku a titidila ni kitaínga kiònene, katé kia a buikisa, oso a subhukile-bhu iá alengela ku madiembu ma beta o ku di fikidila,

Josuué 10:20 ပူးပေါင်းရင်းမြစ်များ

II Samuuele 20:6

Davidi anga u ambela Abisai, uixi: O ki tualʼiki, Seba monʼa Bikidi, ua-nda beta ku tu bhanga kiaiibha, ioso ia bhangele Abisalone i kala ndenge. Eie ndoko u kuate makuenze a muadiʼé, u mu kaiele, imoxi u bokona mu jimbonge ia bhiti malumbu, u tu xia ku mesu.

I Jisobha 20:21

Sobha ia Izalaiele-phe anga u tunda, hé u jibha o jikabalu, o makalu u a bula-bula; akua Sídia anga u a jibha ni kijibha kia dikota.

II Malunda 13:17

Katé Abiia ni kifuẋi kiê a bhange unzangi ua vulu muʼaxaxi kâ; mukonda mua Izalaiele, ku athu a ita òsole, ene a jibhile-ku hama jitanu ja midi ia muthu.

Jelemiia 4:5

Bokenu mu Juda, ivisenu mu Jeluzaleme, muila muexi: Xikenu koloneta moxiʼumu! dikodienu ni dizui dia suina, muixi: Bhongolokenu tu bokone mu jimbonge ja nguzu!

Jelemiia 8:14

Tua xikamena-hi phe dingi? Diphophienu nda tu bokone mu jimbonge ja nguzu, tuile muenhomo hudí; kuma o Jihova Nzambi ietu ua tu di xibhisa kiá, iú ua tu bhana kunua menha a ndululu; mukonda tua te ituxi kua Jihova.

Matendelelu 20:16

Maji o madiembu ma ifuẋi iii ia ku bhana Jihova Nzambi ié mu ubhinganu nuka uxa-mu kima kiala ni muenhu kia-lu bhuima.

Josuué 10:10

Jihova anga u a titidisa bhu pholo ia Izalaiele, u a kuama kiavulu, mu Ngibiione; u a ambatesa ni njila i banda ku Mbetolone, hanji kia oseka katé mu Azeka ni mu Makeda tulʼé.

Josuué 10:19

Enu-phe ki mu bhuile luua; zudidikenu muene o jinguma jenu, oso a xalele kuema, jibhenu-u; ki mu a ehele di kubokona mu jisanzala jâ, mbata Jihova Nzambi ienu ua a bhakula kiá bhu lukuaku luenu.

Josuué 10:21

o kifuẋi kioso kia vutukila kiua kua Josuué ni kutululuka, bhu kibangu kia Makeda; sé-ku dingi u zambesa dimi mu kuzoka ni Izalaiele.

Josuué 11:12

Josuué anga u tambula o jisanzala josuʼiji ni jisobha jâ, u a bhitisa ku mazu a xibhata, katé kia a jikinisa muene, kala kia tumine Mozé, selevende ia Jihova.

Josuué 11:8

Jihova anga ua a bhakula bhu lukuaku lua Izalaiele, anga a a kuama muene, aia ni ku a bhesa lusolo katé ku Sidone iònene, ni ku Mijilefote-maine anga a somboluela mu dikôlo dia Mispa, ku mbandu ia thunda. Anga a a jibha-jibha muene katé abhu, ki bhua subhuka muthu.

Josuué 8:24

O kiedi akua Izalaiele a zubha kiá kujibha akua Hai oso ala ku mukáu, ni iá a lengela mu kikangalakata aia ni ku a kaia, katé ene oso a a buidisa muene ku mazu a xibhata, buí; Izalaiele ioso a vutuka mu mbonge ia Hai, oso ala-mu a a buidisa ue ku mazu a xibhata.