Josuué 1:9 - O Mikanda Ikola

⁹ Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Josuué 1:9 ပူးပေါင်းရင်းမြစ်များ

Dimatekenu 28:15

Talesa eme muene ngala ni eie, ngi kulanga ku ididi ioso ku uia, hinu ngi ku bhangesa kuvutuka dingi mʼoxi muenhumu; kuma ki nga-nda ku ku ehela katé ki nga kà kumbidila ima ioso i nga ku ambela.

Dimatekenu 39:2

Jihova anga u kala ni Zuze, katé ioso ia bhanga ienda kiambote; anga u kala mʼonzo ia ngana iê mukua Ijito.

Dimatekenu 39:3

O ngana iê anga u mu mona kuma Jihova uala-nê, mukonda Jihova ua bhangesa kuila ioso i bhanga Zuze ienda kiambote.

II Samuuele 13:28

Abisalone anga u tendelela makuenze mê, uixi: Alukenu kiambote, kioso ki mu mona muẋima ua Aminone ua mu sanguluka kiá ni vinhu, se muevu nga mi ambela kuila: Aminone mu tienu! Enu-phe mu mu jibha muene; ki mu kale ni uoma, kabasa eme muene nga ki tumu; kolenu maku, mu bhange undanda!

I Malunda 28:20

Davidi anga uambela monʼê Solomá, uixi: Suina, u kale u kindanda, u kalakale. Ku kale ni hèle, mba u kala ni uoma. Mukonda o Jihova Nzambi, Nzambi iami, uanda kukala ni eie. Muène kanda ku ku xisa ubheka, mba u ku ehelela, katé ki u zubha o kikalakalu kioso kia inzo ia Jihova.

II Malunda 15:7

Maji-phe suinenu muene, makuʼenu ka botomoke; mukonda o kikalakalu kienu kiala ni futu iê.

Jisálamu 46:7

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 43:1

Kiki, kia zuela Jihova ua ku bhanga, eie Jakobo, tata, iu ua ku umbu, eie u Izalaiele, uexi: Ku kale ni uoma, mbata nga ku kula muene; nga ku tumbula muene mu dijina, eie u muthu uami.

Izaía 43:5

Ku kale ni uoma-phe, kuma eme ngala bhuamoxi nʼeie; nga-nda kuia ku thunda ku takana-ku o mbutu ié, anga ngi bhita ku luiji ni ku ku ongeka.

Izaía 8:12

Kima kʼila mundu iú exi, kubangana, ki mu kʼixane kubangana; ki mu kale ni hele ia uoma uâ, né ngó bhuòfele ki mu bhuuame.

Daniiele 10:19

Uixi-phe: Ku kale ni uôma, eie u muthu a ku zola kiavulu! Tululuka; kala u kindanda! Kala muene u kindanda! Kiala ku ngi zuelesa kiki, eme ue nga di tutu kiòmuene, ngixi-phe: Zuela, Muadiʼami, mbata eie ua ngi suinisa.

Ajeu 2:4

Kiki-phe, eie Zolobabele, suina, kiene kiambe Jihova, eie ue Josuué monʼa Jozadake, nganga ia dikota, suina, enu uenu mu mundu uaʼxi, suinenu mu kalakale; mukonda eme ngi kala jinga ni enu, kiene kia zuela Jihova dia Ifuẋi.

Ajeu 2:5

Mu kukumbidila kikutu kiami ki nga ta ni enu, kioso ki mua tundu ku Ijito. O Nzumbi iami u tunga muʼaxaxi kenu; ki mu kale ni uoma.

Jipoxolo 4:19

Kuala Phetele ni Nzuá-phe: Enuenu xinganekenu kioso kia iuka-bhu bhu pholo ia Nzambi: O ku mʼ ívua enu, mba kuívua Nzambi? Tongololenu-kiu!

Matendelelu 1:21

Talesa-ze, o Jihova Nzambi ié ua ku bhana oxi i ua mono iii; banda, lundula-iu, kala kia ku tangela Jihova Nzambi ia jitata jenu; ku kale-phe ni uoma, kana, mba ngó kusasumuka.

Matendelelu 20:1

Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.

Matendelelu 31:23

Anga Jihova uambela Josuué, monʼa Nune, uixi: Kala u kindanda, u kole kiambote o muxima! Mbata eie ua-nda kubokuesa anʼa Izalaiele mʼoxi i nga a lokela Eme-muène nga-nda ku kala jinga nʼeie kumoxi.

Matendelelu 31:28

Ngi bhongoluedienu adiakimi oso a miji ienu, eze bhabha, ni jifixiiadi jenu. Ngandala ku a zuelela o maka iá ku mátui menu, ni kukuata-bhu o diulu ni oxi, phala a ngi kale jimbangi bhu kaẋi ni ene.

Josuué 1:10

Bhenhobho Josuué u tuma jithuame jakifuẋi, uixi:

Josuué 1:17

Kioso ki tua kexi kuívua Mozé mu ima ioso, kiene ki tu kuívua ue eie; kabasa Jihova Nzambi ié u kala kumoxi ni eie, kala kia kexi kumoxi ni Mozé.

Josuué 1:18

Uoso u bhukumukina kizuelu kié, mba u kamba kuívua ima ioso i u muambela, a kale muthu ua ku mu jibha; kia kate-ku eie ku kala u kindanda, u kole kiambote muxima.

Josuué 10:25

Josuué bhenhobho u a ambela, uixi: Ki mu kale ni kekénha, kana ue kukala ni kimbuua; kolenu muẋima, mu te-bhu ukuenze; mbata Jihova, jinguma jenu joso ji mu lua na-ju, ua-nda ku ji bhanga jinga kienhiki.

Josuué 10:8

Jihova anga u ambela Josuué: Kana ngó ku a kuatela uoma, mbata nga ku bhakuila-u bhu lukuaku lué; ki bhuala muthu ua-nda ku di fikidila bhu uatula eie.

Josuué 3:7

Jihova anga uambela Josuué, uixi: Kizuua kia lelu, ngi mateka ku ku jingisa ku mesu a Izalaiele ioso, ni ejiie kuma kioso ki nga kexile ni Mozé, kiene ki ngi kala ni eie.

Josuué 6:27

Kienhókio, Jihova anga u kala kumoxi ni Josuué; anga o fuma iê iia mʼoxi ioso.

Josuué 8:1

Jihova anga uambela Josuué, uixi: Kana kukala ni uoma, kana kubhuuama. Katula makuenze oso a ita, u bande-nâ ku Hai; tala-ze, ni sobha ia Hai ni kifuẋi kiê, ni mbonge iê ni ixi, iene ioso nga i bhakula bhu makuʼé.

Afundixi 6:14

Bhenhobho Jihova anga u mu ila, sui, uixi: Ndeie mu uzonda uê uenhú, u kudile Izalaiele bhu lukuaku lua Midiiana; manhi ki eme muene nga ku tumu?

I Samuuele 10:7

Ki ua kà mona-phe kuma ijimbuete iii ia ku bhiti, bhanga kiá kioso ki ua mono kia tokala; kuma Nzambi u kala bhu mbandu ié.