Josuué 1:7 - O Mikanda Ikola

⁷ Hé kima, eie muene, kala ngó u kindanda, u kole muxima kiavulu, u kale ni muanu ua kualuka ngonge ioso ia ku lekelela mubhikʼami Mozé; ku i xie, mu ku bhambukila ku kiasu mba ku kúdia, mbé uijiie kuenda kiambote kuoso-kuoso ku u di tela.

Josuué 1:7 ပူးပေါင်းရင်းမြစ်များ

I Jisobha 2:2

Eme nga muia mu njila iene mu kuila o mundu uoso; eie-phe kola muẋima u kale u iala

I Jisobha 2:3

Kumbidila o utuminu ua Jihova Nzambi ié, u ende jinge mu njila jê, u aluke o ijila iê, ni itumu, matetuluilu mê, ni maumbangi mê, kala kia i soneka mu ngonge ia Mozé, phala u kale ni kubhanduluka mu ima ioso i u bhanga, ku ididi ioso ku u di tela.

II Jisobha 22:2

Muene ua bhanga jinga ima ia kuiuka bhu mesuʼa Jihova; uenda jinga mu jinjila joso ja tatʼâ Davidi, ka bhambuka-mu mu ku di-tela ku kiasu mba ku dilu.

I Malunda 22:13

Ua kà kala ni kuzediua, se eie ukala ni muanu ua kubhaka o itumu ni mabatuilu a tumu Ngana Nzambi kua Mozé, bhu kaẋi ni Izalaiele. Suina-phe, ubhue uoma, u kuate muanu uambote; ku kale ni uoma, mba u bhuila muẋima.

II Malunda 15:7

Maji-phe suinenu muene, makuʼenu ka botomoke; mukonda o kikalakalu kienu kiala ni futu iê.

II Malunda 26:5

Mukonda ua di bhana mu kusota Nzambi mu izuua ia Zakadiia, muthu ua kexile mbâmba mu iusukila ia Nzambi; o mu izuua mua sota jinga Jihova, Ngana Nzambi ue ua mu zediuisa.

Jobe 1:8

Ngana anga uibhula dingi Satana, uixi: Mubhikʼami Jobe ua mu mono? Mukonda ki kuala mukuá mu ngongo ua soko ni muene; muthu ua kidi, ua iuka o muẋima, u xila Nzambi, o ia ibha u i lenga.

Jisálamu 80:19

Tu bhetule dingi, Jihova, u Nzambi ia ituxi; tu idikize o kubenha kua pholo ié, phala tu bhuluke.

Jisabhu 4:27

Kana ku kuata uendelu ua ku takujuka ngó, né ku dilu mba ku kiasu; o kinama kié sondolola-kiu mu kubhanga phulu.

Jisabhu 8:20

Ngi batesa muthu mu njila ia kuiuka, ngi mu endesa muʼaxaxi ka jihoka ja kutetuluka.

Daniiele 10:19

Uixi-phe: Ku kale ni uôma, eie u muthu a ku zola kiavulu! Tululuka; kala u kindanda! Kala muene u kindanda! Kiala ku ngi zuelesa kiki, eme ue nga di tutu kiòmuene, ngixi-phe: Zuela, Muadiʼami, mbata eie ua ngi suinisa.

Dialuilu 27:23

anga u mu tula maku u mu tendelela, kala kia tumu Jihova kua Mozé.

Matendelelu 11:8

Ijiia-phe kuatenu-iu kiambote, ngala ku mi bhana leluʼidi, nda mu kale ni nguzu, phala mu bokone mu vue oxi i mua lungu mu kúvua;

Matendelelu 12:32

Endenu ni ku di tongesa kiambote mu kualuka ima ioso i nga mi tendelela eme; ku imaʼiii ki mu te-ku, ki mu katule-ku.

Matendelelu 28:14

Ku maka iá oso u ngala ku ku tela lelu, kana kubhambuka mu kuila ku dilu mba ku kiasu, anga uenda ni kulandukila kukaiela jinzambi jengi, phala kuia ni ku ji bheza.

Matendelelu 29:8

Oxi anga tu a tambula-iu, etu tua i bhana akua Lubene ni akua Ngadi ni kaxaxi ka muiji ua Manasa, mu ubhinganu.

Matendelelu 29:9

Maka ma Kikutu kiki bhakenu-u, muende ni ku ma bhanga; phala mu zediue mu ima ioso i mu bhanga.

Matendelelu 31:7

Mozé anga uixana Josuué, u mu ambela, bhu mesu a Izalaiele ioso, kuamba: Kala u kindanda, kola maku! Mukonda eie-muène ua-nda ku bokona ni mundu iú mʼoxi ia lokela Jihova ku i bhana ku jitata jenu; eie muene-phe ua-nda ku a lunduisa-iu.

Matendelelu 4:2

O ku makʼama u nga mi tendelela, ki mu tudike-ku kima, ki mu tunune-ku kima, inda mu kumbidila ni kulûnda o ijiia ia Jihova Nzambi ienu, i ngala ku mi lekelela.

Matendelelu 5:32

Endenu-phe ni kubhanga kala kioso kia mi tumu Jihova Nzambi ienu; talenu, kana kuabhukila ku kadilu mba ku kiasu.

Josuué 1:1

Kiki-phe Mozé, ngunza ia Jihova, kia zubha kúfua, Jihova u zuelesa Josuué dia Nune, mukalakadi ua Mozé, uixi:

Josuué 1:8

Divulu didi, dia ngonge, ki di bhue mu kanu; kota u kala mu ku di banza jinga mu muanha ni mu usuku, mbebhu uijiie kubhanga ima ioso ni muanu kala kia i soneka muenhomo; kuma hé kiene ki u bhanga, uendelu ué u kala ua kubhanduluka, o kuenda kué ku kala kua madimu.

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Josuué 11:15

Kioso Jihova kia tendelele kua mukalakadi ué Mozé, kiene ue Mozé kia tendelela Josuué; Josuué-phe, kiene muene kia bhange; Ka selula diba, né ngó, ku ima ioso Jihova ia tendelela kua Mozé.

Josuué 23:6

Mua bhingi-phe mu di suinisa kinène muene, mbé o kulunda ni kubhanga ima ioso iòsoneke mu divulu didi dia ngonge ia Mozé; kana ku i abhuka, mu kuila ku kadilu, mba ku kakiasu;