Josuué 1:5 - O Mikanda Ikola

⁵ Kana muthu ua-nda kutena kuimana mu kubhânga ni eie, katé bhu bhuilu dia muenhu ué. Kala ki nga kexile ni Mozé, kiene ue ki ngi kala ni eie; ki ngi ku xisa kana, ki ngi kuehelela.

Josuué 1:5 ပူးပေါင်းရင်းမြစ်များ

Dimatekenu 39:2

Jihova anga u kala ni Zuze, katé ioso ia bhanga ienda kiambote; anga u kala mʼonzo ia ngana iê mukua Ijito.

I Jisobha 1:37

O kioso Jihova kia kexile ni eie, Kùku, ngana iami, a kale ue ni Solomá, a bhangese kuila kiandu kiê ki kala kia dikota dingi, o kié eie hánji ndenge, u kùku Davidi, ngana iami.

I Jisobha 11:38

Anga kia kà kala-phe kuma, eie se uívua ioso i ngi ku tuma, ni uendela mu njila jami, nʼu bhange kia iukila ku mesu mami, mu kubhaka o itumu iami ni ijila iami, kala kia bhanga jinga ngunza iami Davidi, eme ue nga kà kala jinga nʼeie, anga nga kà ku tungila inzo ia kuatenena kiambote, kala i nga tungila Davidi, o Izalaiele nga kà ku bhana-nê.

I Jisobha 6:13

Nga kà tunga muʼaxaxe ka anʼa Izalaiele, o mundu uami ua Izalaiele ki nga kà xikina dingi ku ehelela, lémbua.

I Jisobha 8:57

O Ngana dia Nzambi ietu a kale ni etu, kala kia kexile ni ji-tata jetu; ka tuehelele, kana, ka tu xe.

I Malunda 28:20

Davidi anga uambela monʼê Solomá, uixi: Suina, u kale u kindanda, u kalakale. Ku kale ni hèle, mba u kala ni uoma. Mukonda o Jihova Nzambi, Nzambi iami, uanda kukala ni eie. Muène kanda ku ku xisa ubheka, mba u ku ehelela, katé ki u zubha o kikalakalu kioso kia inzo ia Jihova.

Jisálamu 46:11

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Makatukilu 3:12

Kuala Nzambi, uixi: Ni kidi kiene, Eme ngà kala ni eie; o kiki kiá kala kijimbuete, kuma eme muene nga ku tumu: Kioso ki ua kà tundisa o mundu mu Ijitu, Nzambi hinu mu mu bhezela mu mulundu muenhumu.

Izaía 42:16

Anga ngi batesa o ifofo mu njila kiluua a ijiia, nga kà a bhitisa mu njila ia musanu; o kitombe nga kà ki bilula mukengeji bhu pholo iâ, o njila jala matadi nga ji iukisa. O ima ienhiʼii iene i nga-nda ku a bhanga, ki mungu dingi nga ehelela.

Jelemiia 1:8

Ku kale ni uoma bhu phola iâ, mbata ememuène ngi kala ni eie phala ku ku kudila, Jihova ua ki tange.

Daniiele 11:16

O nguma uoso ua-nda kuiza ku mu lua, ua-nda kubhanga muene kioso kia mu tumu o muẋima uê, ki bhua-nda kumoneka muthu utena ku di fikidila bhu pholo iê. Ua kà kala mʼoxi ia uabha kinéne, ia di bhange iene o matunda ma miji ioso, o ima ioso ia kà kala bhu lukuaku luê, katé ni kibuika ki bhobho.

Matesu 28:20

ni ku a longa kualuka ima ioso kiá i nga mi tumu eme. Talenu, eme-muene ngá kala ni enu izuua ioso, katé ku dizubhilu dia mundu.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

Loma 8:37

Né ngo! Mu ima ioso íii tuala tu atolodi, maji atolodi ndenge, mu nguzu ia Ió uoso ua tu zola!

Matendelelu 20:1

Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.

Matendelelu 20:4

Mbata o Jihova Nzambi ienu muene uala kuia nʼenu mu kúlua ita ni jinguma jenu, phala ku mi bhulula.

Matendelelu 31:23

Anga Jihova uambela Josuué, monʼa Nune, uixi: Kala u kindanda, u kole kiambote o muxima! Mbata eie ua-nda kubokuesa anʼa Izalaiele mʼoxi i nga a lokela Eme-muène nga-nda ku kala jinga nʼeie kumoxi.

Matendelelu 4:31

Mukonda Jihova Nzambi ié, Nzambi uejidila kukuatela henda; ka kuehelela mba u ku buikisa; né ngó ue kuẋikina kujimba o kikutu kia lokela ku jitata jé.

Matendelelu 7:24

Ua-nda ku ku bhakuila ue o jisobha jâ bhu maku mé phala eie u a jime o majina mâ kulu dia mundu. Ki bhua-nda kukala muthu u di ẋokuesa nʼenu katé Ki u abuidisa.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

Jihebeleu 13:5

Ki mu kale mu akua luimbi lua kitadi, ioso i mua mono i mi soke. Kuma Nzambi u ambe uixi: Eme nuka nga kà mi xisa, ki nga kà mi ehelela ue, kana.

Josuué 1:17

Kioso ki tua kexi kuívua Mozé mu ima ioso, kiene ki tu kuívua ue eie; kabasa Jihova Nzambi ié u kala kumoxi ni eie, kala kia kexi kumoxi ni Mozé.

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Josuué 10:8

Jihova anga u ambela Josuué: Kana ngó ku a kuatela uoma, mbata nga ku bhakuila-u bhu lukuaku lué; ki bhuala muthu ua-nda ku di fikidila bhu uatula eie.

Josuué 21:44

Jihova anga u a bhana o kunhoha, kala kioso kia lokelele ko jitata jâ; mukonda ku jinguma jâ joso ki kua subhuka muthu ua tena kuimana bhu pholo ia ene; Jihova ua a bhana jinguma jâ joso muene bhu maku mi

Josuué 3:7

Jihova anga uambela Josuué, uixi: Kizuua kia lelu, ngi mateka ku ku jingisa ku mesu a Izalaiele ioso, ni ejiie kuma kioso ki nga kexile ni Mozé, kiene ki ngi kala ni eie.

Josuué 6:27

Kienhókio, Jihova anga u kala kumoxi ni Josuué; anga o fuma iê iia mʼoxi ioso.

Afundixi 2:18

Jihova kia a zangelekela jinga afundixi, Jihova u kala ni mufundixi uoso uala-ku, u a kudila bhu lukuaku lua jinguma jâ, izúua ioso ia mufundixi muenhó; kuma Jihova u a kuatela henda mukonda dia kukema kuâ, mukonda hadi ia iá ala ku a bhikisa ni ku a zukutisa.

Afundixi 6:16

Jihova anga u tuma dingi ku mu ambela, uixi: Eme ngi kala ni eie sé kufula, akua Midiiana-phe ua kà a nemeka kala muthu umoxi ngó.

I Samuuele 10:7

Ki ua kà mona-phe kuma ijimbuete iii ia ku bhiti, bhanga kiá kioso ki ua mono kia tokala; kuma Nzambi u kala bhu mbandu ié.