Jona 4:9 - O Mikanda Ikola

⁹ Bhenhobho Ngana Nzambi u tangela Jona, uixi: Kifua ua fika kuma eie ua lunguʼé kukala ni njinda mukonda dia músala ua dinhángua? Jona uitaia, uixi: Xi! Nga lunguʼami muene, o kukala ni njinda ni kuinda kúfua.

Jona 4:9 ပူးပေါင်းရင်းမြစ်များ

I Jisobha 21:4

Bhenhobho Akabe uiza ku bhata diê, ua luuala o ku muẋima kua mu dimbuluka ni kuthathamana, mukonda dia kizuelu kia Nabote, mukua Jizeleele, kia mu tangela, uixi: Ki ngi tena ku ku bhana o undundu ua ngi xila jitata jami. Anga uiza, u zeka mu hama iê, ni pholo ia biluila ku mutôto, anga u dituna o kudia mbolo.

Jobe 18:4

Eie-phe ua mu di sana-sana muenhu ué njinda i uala na-iu; ua fika ixi a i ehelela mukonda dié-eie? O matadi a sondoloka bhu kididi kiê?

Jobe 36:18

Enda-phe ni ku di langa, njinda ki i ku bheke mu ku ẋongona, mba u tondala mukonda dia ku xinganeka kuila uala ni ima ia vulu i tena kuku kula.

Jobe 5:2

Kuma ió ua tobho o njinda iê iene i mu dia; o kiôua-phe a mu jibha kuala muanu uê-muène.

Jona 4:1

Maji kienhiki Jona kia mu iibhila kiavulu, anga u kala ni njinda.

Jona 4:10

Jihova anga u mu vutuila dingi, uixi: Uala ni henda ia músala ua dinhángua, kima ku ki kalakela, kua ki dimi; kiedi kia sabhuka usuku umoxi, anga ki di bota ue usuku umoxi.

Jona 4:8

Anga ki bhita-phe kuila, kiatu muanha, Ngana Nzambi u tumikisa kitembu kionéne kia tema kia thunda, o misongo-songo ia muanha ua dikumbi anga i tula mu mútue ua Jona. Muene anga u ambuka ni kizuza kia muanha, hé uinda kúfua ni muẋima uê uoso, uixi: Kota ngafuʼami kiá, kukola muenhu kiki, kana.

Matesu 26:38

Anga ua ambela ene, uixi: Muẋima ua ngi kala kiavulu ni malamba, bhulu-bhulu dia kùfua. Xalenu bhabha, mu ngi langidise.

II Kolindo 7:10

Kuma o mukondo se a u uzala kuala Nzambi, u bhekela kudiela kubhangesa kubhuluka. O ku kima kala kiki, ki kuene dingi kuila tamanu ki nga ki bhangele. Maji o mukondo-phe ua mundu, u bhekela kufua.

Dijingunuinu 9:6

O mu mbeji jitanu jenhojo, athu a kà bhindamena o kùfua, maji a kà ku tokoka! A kènda kalunga, maji o kalunga-phe ka kà a lenga!

Afundixi 16:16

Ku izuúua-phe, mukonda ua mu bhinjika kiavulu ni kuzuela izuua ioso, ua mu jijidika kinéne, Sasangu kia mu kumu kiavulu katé u sola kúfua.