Jona 3:9 - O Mikanda Ikola

⁹ Nanhi ua kʼijiia, se Nzambi u lunguluka, hé u diela ku ioso ia mesena ku tu bhanga, anga u sondolola kutema kua njinda iê, phala ki tu jime mbutu?

Jona 3:9 ပူးပေါင်းရင်းမြစ်များ

II Samuuele 12:22

Muene-phe uixi: Mona kia kexile ku muenhu, ngi fula kúdia, ngi dila, kuma ngambe, ngixi: Nanhi ua kʼijiia mba Jihova u ngi kuatela henda, phala mona a bhuluke?

Jisálamu 106:45

U xinganeka o kikutu kiê, hé u diela mukonda dia jihenda jê javulu.

Jisálamu 85:3

Ua kexe kueha o kubhana kaxtiku, o njinda ié ia teme anga u i tula.

Jisálamu 90:13

Jihova tata, bhomba o muẋima ué! Mbambe bhebhi bhu u suka, ni kukokoloka kiki? U xinganeke jiselevende jé ku a kuatela henda.

Jelemiia 26:13

Kindala-phe iukisenu njila jenu ni ibhangelu ienu, nda muivue dízui dia Jihova, Nzambi ienu, Jihova muene a diele ku phulu ia tange ku mi bhanga enu.

Daniiele 4:27

Kala kiki, sobha, tata, xikina kaiula kamiʼaka, sota kubhanga kia iuka, u di bhuise ituxi, bhanga henda ku jingadiama, u di bhuise o phulu, kifua o kiki nga ki ambe sumba hanji kua ku xiala thembu ia ku di-bhola hanji ku mátui.

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

Jona 1:15

Hé a zangula Jona, a mu mvunduna mu kalunga, njinda ia kalunga anga i sosoloka.

Jona 1:6

Ua mu tumina o naviiu-phe, u bhiẋila bhu mbandu iê, hé u mu ambela uixi: Na Kakilu, ihi ia ku kuata? Ua zekela-hi kiki? Balumuka, u sambele Nzambi ié, sumba Nzambi u tu lembalala phala ki tu di bote muʼalunga.

Jona 4:2

Hé u sambela Ngana, uixi: U Jihova, ki kiene ki nga tangelʼiki, kioso ki ngala hanji kʼoxi iami? Kiene kia ngi bhekelele kulengela ku Talxixi, kuma ngejiia muene kuila eie u Nzambi ia henda ni kulenduka, ua vula o mbote ni muanu, u kokoloka kubeta, u lenguluka kukuatela henda, anga u lenguluka ue kudiela, ki uandala kubhana muthu kaxtiku.

Sofoniia 2:3

Sotenu Jihova enu oso mua batama miẋima, muala mu ngongo, muene mu ku kaiela o mabatuilu mê; Sotenu kubhanga o mbote, Sotenu o kulenduka ni kubatama, sumba bhu kizuua kia njinda iê, Jihova u mi sueka.

I Samuuele 6:5

Kienhiki-phe bhangenu idifua ia mabhumbu menu, ni idifua ia tundôndo tuenu kuma jene o jiphuku jala ku mi zangela o ixi; mu bhane o fuma kua Nzambi ia Izalaiele; amoxi se enu mu bhanga kiki, o muene u tebhununa-ku ku kinemenu kia lukuaku luê ku thandu dienu, ni ku thandu dia nzambi ienu, ni ku thandu dia ixi ienu.