Jona 3:5 - O Mikanda Ikola

⁵ Akua Ninive anga a xikana Nzambi; anga a kola ngonge ia kujila, hé a zuata jisaku ja kidinhaji, tunde ku dikota katé ku ndenge.

Jona 3:5 ပူးပေါင်းရင်းမြစ်များ

II Jisobha 19:1

Anga ki bhita-phe kuila, kioso Ezekiia kia zubha o ku kʼivua, ua tandula izuatu iê iu ua di-futu kidinhaji anga u bokona mʼonzo ia Jihova.

II Malunda 20:3

Bheneʼobho Jozafate uoma ua mu kuata, hé u di ta mu kusota Jihova, anga u tuma o kujila, mu Juda ioso.

Ejidala 8:21

Bhenhobho anga ngi kola-bhu hanji o mujile ua kujila bhu mbanduʼa honga ia ngiji ia Ahava, mbé o kutoloka bhu pholo ia Nzambi ietu, nda tu mu bhinge njila ia kambe íbhidi phala etu ni anʼetu ni imbamba ioso ia tu tokala.

Estere 4:1

Kiki-phe Moledekai kioso kia zubha ku kʼijiia kioso kia bhiti, ua tandujula izuatu iê, u di ta mu kidinhaji ni utôkua, anga u bhita mu nzunga ia mbonge ni kudikola ni jingololo.

Makatukilu 33:6

Anʼa Izalaiele-phe anga a zula o makembu mâ, tunde ku mulundu ua Holebe, ku pholo ka ma zuata dingi.

Jelemiia 31:34

Ki kua kà kala dingi muthu u longa mukuá, mba muthu uambela phangiʼé, kuila: Ijiia Jihova; mukonda ene oso a-nda kua kà ngʼijiia, tundé ku monʼa-ndenge mudiʼâ katé ku muadiakimi, Jihova ua ki tange. Mukonda nga-nda kuloloka o ikuma iâ, o ituxi iâ ki nga kà i xinganeka dingi.

Jelemiia 36:9

Hé ki bhita, mu muvu ua katanu ua Jehoiakí, monʼa Joziia, sobha ia Juda, bhu mbeji ia kavua, kia kola o ku jila kúdia, bhu pholo ia Jihova, ku mundu uoso mu Jeluzaleme ni ku mundu uoso ua kexile mu ku tunda mu jimbanza joso ja Juda ni kuiza mu Jeluzaleme.

Jelemiia 42:1

Bheneʼobho makota ma ilombo ia masoladi oso, o jikabhitangu, ni Nzuanana, monʼa Kadiiá, ni Jezaniia, monʼa Hozaia, ni mundu uoso tundé ku monʼa-ndenge tulé ku muadiakimi.

Jelemiia 42:8

Anga uixana Nzuanana, monʼa Kadiiá, ni makota oso a ilómbo ia masoladi, o tubhitangu, a kexile-nê kumoxi, ni mundu uoso, tundé ku mona-ndenge tulé ku muadiakimi.

Daniiele 9:3

Anga ngi lungulukila pholo iami kua Ngana Nzambi, mu ku mu sota ni musambu ni ku mu dionda, bhenhobho nga jidi, ngi di ta kidinhaji, ngi di kuua utókua.

Jouele 1:14

Bhu kale kujila ku kôla, bhu kale ku kola kizuua kia kionge, bhongololenu ikulakaji ni oso a tungu mu ngongo, eze mʼonzo ia Jihova Nzambi ienu, mu di kole kua Jihova.

Jona 3:7

Anga u tubhula ngonge, anga a bhana jingolokela mu Ninive, kia tumu sobha ni makota mê, kuila: Né athu, né ibhaku, né jingombe, né jimbudi ka lole kima, ibhaku, ka i bhane iangu, né ngó kúnua menha.

Matesu 12:41

Mu kizuua kia kufundisa, akua Ninive a kà funda ni muiji uenhú, nʼa u belesa; mbata kiene kievile ngó o maka ma Jona, ituxi iâ a i diela. Bhenhabha-phe sai-bhu ni Iú ua tundu Jona!

Luka 11:32

Mu kizuua kia kufundisa, o mundu ua akuâ Ninive ua kà balumuka mu kufunda kumoxi ni mundu ua muiji iú, hé a kà uêlesa, mukonda ene akuatele kikote anga a diela ituxi iâ, kioso kievile o Njimbu ia a bokelele Jona. Maji ijiienu-kiu-phe kuma, bhenhabha, bu tuala, sai-bhu ua tundu Jona mu ukota.

Jipoxolo 27:25

Uila kiki, enu mu jingana, tululukenu! Kuma eme nga dielela Nzambi, nga xikana kuila kioso kia ngi tangela kiene kianda kubhita.

Jipoxolo 8:10

Muenʼiú ene oso a tungu mu mbonge, ni makota ni jindenge a mu ivua, aia ni ku mu tanga exi: Muthu iú munène, muène o kutena kua Nzambi mu kidi, kuene mu kuixana exi: Kutena kulola.

Jihebeleu 11:1

O kuxikana-phe ku ijidisa ima i tua dielela, ku idikiza ima kiluua i moneka.

Jihebeleu 11:7

Kiejila mu kuxikana, Noué kia mu dimuna kuala Nzambi, ku ima ianda kubhita, o iene kiluua i moneka. Noué anga u tumaka Nzambi, hé u tunga álaka, ia mu bhulula muène ni akua bhata diê. Mu kubhanga kiki anga u belesa o mundu uoso, hé u tambula kua Nzambi o kuiuka kuijiia mu kuxikana.

Dijingunuinu 11:3

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.