Jona 3:4 - O Mikanda Ikola

⁴ Jona anga u mateka kubokona mu mbanza, uende hanji ngó dikanga dia kizuua kimoxi, hé u boka, uixi: Kua kambe ngó makuinhi a uana a kizuua, Ninive a-nda ku mu sengulula, u jima mbutu.

Jona 3:4 ပူးပေါင်းရင်းမြစ်များ

II Jisobha 20:1

Mu izuua muenhomo Ezekiia anga u kata, kukatela kúfua; anga o musesedi Izaia, monʼa Amoze, uiza mu ku di-mona-nê, hé u mu ambela, uixi: O Ngana uambe kiki: O dibhata dié ta-diu kiambote mu ididi, kuma uandu fua muene, kua-ndu kola muenhu, kana.

II Jisobha 20:6

O ku izuua ié nga-nda ku ueza-ku kuinhi dia mivu ni kitanu; o bhu maku ma sobha ia Asídia nga-nda ku ku kudila-bhu nʼeie ni sanzala iii; o sanzala iii nga-nda ku i ifikidila mukonda dia jihenda jami Eme-muène ni mukonda dia henda i nga kuatela Davidi dia mubhikʼami.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Jelemiia 42:10

Se mu kalenu muene mʼoxi muenhumu kiambote, kuabhu-phe, eme ue nga-nda ku mi tunga, ki nga-nda ku mi bula, kana; nga-nda ku mi kuna, ki nga-nda ku mi vuza; kuma o ku ibha kuoso ku ngène mu ku mi bhanga, kua ngi kuata ku muẋima.

Jona 3:10

Kienhókio Ngana Nzambi anga u mona ikalakalu iâ, ni kioso kia diela ku jinjila jâ ja ku bhengalala. Ngana Nzambi anga u lunguluka, u bhomba muẋima uê, o kiaiibha kia tangele ku a bhanga ka a bhange-kiu dingi.

Matesu 12:41

Mu kizuua kia kufundisa, akua Ninive a kà funda ni muiji uenhú, nʼa u belesa; mbata kiene kievile ngó o maka ma Jona, ituxi iâ a i diela. Bhenhabha-phe sai-bhu ni Iú ua tundu Jona!

Luka 11:30

Mukuâ ni Jona kia bilukile kijimbuete ku akua Ninive, kiene ue kiandu kala Monʼa Muthu ku muiji uenhú.

Luka 11:32

Mu kizuua kia kufundisa, o mundu ua akuâ Ninive ua kà balumuka mu kufunda kumoxi ni mundu ua muiji iú, hé a kà uêlesa, mukonda ene akuatele kikote anga a diela ituxi iâ, kioso kievile o Njimbu ia a bokelele Jona. Maji ijiienu-kiu-phe kuma, bhenhabha, bu tuala, sai-bhu ua tundu Jona mu ukota.

Matendelelu 18:22

Kabasa kiá ki mu mona kuila polofeta uazuela kizuelu mu dijina dia Jihova, maji ki kia di kumbidila, o kia zuela ki kiene kiabhiti, kizuelu kiókio-phe ki Jihova ua ki zuela; polofeta ió ua ki zuela ngó ni izala iê; kana ku mukala ni uoma ua ku mu bhanga kiaiibha.