Jona 2:8 - O Mikanda Ikola

⁸ Oso a kaiela ukumbu ua kubheza iteka, ió a lueza, kuma a sanduka bhuʼotho ia henda ié ia kidi.

Jona 2:8 ပူးပေါင်းရင်းမြစ်များ

II Jisobha 17:15

Iá a tènde o jingonge ni kikutu kia Jihova, kia tele ni jitata jâ, kiene ue kimoxi ni maumbangi mê ma a bazela jinga na-u kuala Muene; iá a kaiela ngó ukumbu, a kituka kingoho; a kaiela ue miji ia matumbu ia kexile mu jimbandu jâ, ioio ia ambelele Jihova, kuila: Kana ku a fikisa ni kubhanga ima kala ene.

Jisálamu 142:4

Nga talesa bhu mbandu iami ia madilu, kana-bhu dilemba; ku ngi lengela ki ku moneka; kana muthu kia mu kuatela kima, né muenhu uami ua di boto.

Jisálamu 31:6

Enhó a ku kuma oso a landukila o iteka; eme bhabha-phe ngi dielela kua Jihova.

Jisálamu 69:14

Ngi sunge Ngana, mu kizakazaka, mbé ki ngi jikinine momo; u ngi kudile kua ió a ngi zembe, ni mu jiia dia menha azongo.

Jelemiia 10:8

Maji ene oso a di bhange ima ia ngoho, a kituka maioua: Manhi, muxi, ulongelu ua kingoho.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Jelemiia 2:13

Mukonda mundu uami abhange ima iiadi iaiibha: edi eme a ngi-xi, ngi otho ia menha ma muenhu, ia a kande ixima, ixima iene ia budika, ia kuata o kubhubha ki ia tena kuxikika menha.

Mikeia 1:2

Ivuenu enu oso mu ifuẋi, bhana mátui eie u ixi ni ima iê ioso iala-mu mu kuzanza kuê kuoso, o Jihova Nzambi a mi kalele mbangi ia ku mi bhanga kiaiibha tunde bhu kididi kiê kia ku mu bhezela ki kôla.

I Samuuele 12:21

Kana kuabhuka mu kukaiela mahamba, mukonda se mu ki bhanga muandu kaiela ima ia ngoho, ki i tena kubhandulula, ki i tena kukudila muthu, kuma ima ia kingoho.