Jona 2:7 - O Mikanda Ikola

⁷ Kioso muenhu uami moxi ki ua botomoka, eme nga lembalala dingi Jihova; o musambu ua kudikola kuami ua bhiẋila kó kué mu Tembulu ié ikôla.

Jona 2:7 ပူးပေါင်းရင်းမြစ်များ

II Malunda 30:27

Bhenhobho, ni jinganga ni jilevita a balumuka anga a bhana o kizediuise ku kifuxi kioso; anga a evua o dízui diâ; kuma o musambu uâ ua bhixila muene katé mu kididi kikôla kia Nzambi, ku diulu.

Jisálamu 11:4

Jihova-phe uala hanji mu Tembulu ie ikôla; Jihova kiandu kiê kia xikama ku diulu; mesuʼê a tono muene ni kengelela, o ibhebhetela iê iala mù tonginina kiambote anʼatu mu ngongo.

Jisálamu 142:3

Kioso o muẋima uami moxi ki ua ngi kala ni kubhondalala, eie-phe uejiia kiá njila ioso i nga tokala kuila, kuma mu njila i nga kuata, a ngi tela-mu mubhetu.

Jisálamu 143:5

Ngi lembalala o izuua ia xahulu, ngi xinganeka o ima i ua bhanga jinga; ngi banza o ufunu ua maku mé.

Jisálamu 18:6

O mu kubhondalala kuami anga ngʼixana Jihova, ngi dikola muene kua Nzambi iami; muene anga u ngʼivua dízui tunde mu Tembulu iê, kudikola kuami kua mu bhixila mu mátui.

Jisálamu 20:7

Amoxi a di fiiala makalu a ita, amoxi a di fiiala jikabalu; etu-phe tu di fiiala dijina dia Jihova Nzambi ietu.

Jisálamu 22:14

Nga ẋamuka kala menha, ifuba iami ioso ia ngi sokomoka; muẋima moxi ua ngi botomoka, ua sengumuka muene kala sela.

Jisálamu 27:13

Ngeje kuzônda se nga kambele kudielela o kumona hanji jimbote ja Ngana, kulu dia mundu kunu.

Jisálamu 42:11

Eie, ua bhuidila-hi muẋima uami? ua zôndela-hi moxi diami? dielela kua Nzambi; kuma hinu ngi mu ximana dingi! Mukonda, muene o kusangumuka kua pholo iami, muene Nzambi iami.

Jisálamu 42:5

O kiki, ua bhuidila-hi muẋima uami? Ua Zôndela-hi moxi diami? Dielela kua Nzambi, hinu ngi mu ximana dingi, hinu ngi bhanduluka dingi mu kumona o pholo iê.

Jisálamu 43:5

Ua bhuidila-hi muẋima uami? Ua zôndela-hi moxi diami? Dielela kua Nzambi, kuma hinu ngi mu ximana dingi. Mbata muene o kusangumuka kua pholo iami, muene Nzambi iami.

Jisálamu 65:4

U zediua muthu uoso eie ua mu solo, anga u mu bhiẋidisa kokué, phala nʼa tunge mu kithâdi kié; mbé tu ikute jinge ni jimboteʼojo ja dibhata dié, ja Tembulu ié ikôla.

Izaía 38:17

Tala-ze, phala kutululuka kuami, nga bhiti-phe ni mavuua a vulu; eie-phe, mu henda ié, ua bhulula o muenhu uami, kua u ehela kulaúka mu kina mua kala o kusekumuka; kuma o ituxi iami iene ioso, eie Ngana, ua i takula ku dima dié.

Izaía 50:10

Mukuahi mudienu uambe kuxila Jihova, ni kusuua dízui dia selevende iê? Muenhó se uala kubhita bhua vundu, anga bhu kamba ngó ni kamukengeji, a dielele mu dijina dia Jihova, a kuatenene kua Nzambi iê.

Jona 2:4

Eme-phe ngʼambele kiá, ngixi: A ngi texi kiá ku mesu mé; manhi hanji nga kà mona dingi o Tembulu ié ikôla?

Mikeia 1:2

Ivuenu enu oso mu ifuẋi, bhana mátui eie u ixi ni ima iê ioso iala-mu mu kuzanza kuê kuoso, o Jihova Nzambi a mi kalele mbangi ia ku mi bhanga kiaiibha tunde bhu kididi kiê kia ku mu bhezela ki kôla.

Habakuke 2:20

Jihova-phe uenʼiê mu Tembulu iê ikôla; ixi ioso i dixibhe bhu pholo iê.

Jihebeleu 12:3

Muène mu xinganekienu, ua kolokotele ni kuẋinuka kuosuʼ oko kua mu idikiza akua ituxi. Uila kiki, enu ki mua tokala kubhuila, mba mu lémbua hé mu takuila bhoxi.

I Samuuele 30:6

Davidi anga u tata kiavulu, kuma mundu a tele maka a ku mu bûba ni matadi, mukonda muẋima ua mundu uoso uala ni malamba, kala muthu uala mu kuxinganeka anʼê a mala ni a ahatu. Maji Davidi-phe u di kolesa muẋima mua Jihova Nzambi iê.