Jona 2:6 - O Mikanda Ikola

⁶ Eme nga kulumuka katé koxi, kuene mu kusabhuka o milundu; nga kuzuka mu bòmbo diaʼxi o jitalanga jaʼxi ja ngi jikila-ku ni kuene puetu, katé kiá ku hádia ni hádia! Maji eie ua ngi vutuila, muenhu uami ku u ehela kuxalela mu kina, Ngana Nzambi iami tata!

Jona 2:6 ပူးပေါင်းရင်းမြစ်များ

Jobe 33:24

kuabhu-phe, Nzambi ua kà mu kuatela henda, hé ua kʼàmbela anju, uexi: Mu bhulule, phala ka kutuke mu kina; nga sange kiá u mu kùla.

Jobe 33:28

Maji o Nzambi ua bhulula o muenhu uami kuia mu kina; o muenhu uami iu ua vutuka mu kumona dingi o mukengeji.

Jisálamu 104:6

Iú ua futu-ku menha mazongo kala kizuatu, menha ma bhitile ni ku thandu dia milundu.

Jisálamu 104:8

Milundu anga i zanguka, makôlo a kuzuka, katé menha ma lengela mu kididi kioso ki ua a iudikila.

Jisálamu 116:3

Mikolo ia kalunga ia ngi bhidile, misusu ia kúfua ia ngi kuata; nga sange phaxi ni lamba!

Jisálamu 143:7

Endelà-ku, Ngana, mu ku ngʼitaia, kuma o nzumbi iami ia botomoka; kana ku ngi suekela o pholo ié, mbé ki ngi kale kala athu a mu kutuka mu kina.

Jisálamu 16:10

Kuma eie ku xikina kuehela muenhu uami kuʼalunga; muthu ué ua mu solo kà kala mu sekumuka.

Jisálamu 18:5

A ngi louele mikolo ia ku ngi sungila mu bombo dia kalunga, manda ma manhanga ma ngi batuluile kû pholo.

Jisálamu 30:3

Ua ngi vutula, Ngana, mu kina mu ngambele kuia; eie ua ngi bhake hanji ku muenhu, kuma kuia mu bombo dia kalunga kua ngi kambele ngó!

Jisálamu 30:9

Eie, Ngana, u katula-ku ihi se eme nga fu, o muenhu uami ni u di boto mu dikungu? Manhi, o mavu, a tena dingi ku ku ximana? Mavu a tena dingi kutanga o kukumbidila kué?

Jisálamu 55:23

Enhó-phe, Nzambi, a lundumune, a lauke mu bombo dia kalunga; ijibhanganga, akua makutu, ka kà zubhe dingi izuua iâ, né mu kaẋi ka kà bhiẋile-mu; eme bhabha-phe ngi dielela jinga ko kué.

Jisálamu 65:6

Eie, Ngana, mu nguzu ié, ua bhake o milundu mu ididi, ua di kutu muene ni kutena.

Jisálamu 69:2

Nga kuzuka mu kizakazaka mua kambe o dimanenu; nga kutuka muʼjiia dia menha azongo a mesena ku ngʼambata ni hungulule.

Izaía 38:10

Eme ngambele, kia ngi-bhu o izuua, ngixi: Nga lungu bhu mielu ia mbila; o mivu ia ngi xedi-ku nga i lémbua kiá.

Izaía 38:17

Tala-ze, phala kutululuka kuami, nga bhiti-phe ni mavuua a vulu; eie-phe, mu henda ié, ua bhulula o muenhu uami, kua u ehela kulaúka mu kina mua kala o kusekumuka; kuma o ituxi iami iene ioso, eie Ngana, ua i takula ku dima dié.

Izaía 40:12

Nanhi ua zongele menha bhu kànda dia lukuaku luê, anga o diulu u di zonga ni makànda a maku, iu ua bhake o fufuta mu kitutu kia kuzongela anga o milundu ni tu thuthulundu u i pezala?

Izekiiele 26:20

kuabhu-phe kienhókio nga-nda kuà ku tuluila kiá kumoxi ni iá a tuluka mu kina, ku makulu ni makombe, hé nga kà ku zekesa muene mu ididi ia seiela kinéne bhoxi mu ngongo, mu ididi iòkulu ia ikangalakata, kumoxi ni iá a tuluka mu kina, mbebhu ka ku tunge dingi; anga nga kà ta o matunda mu ngongo ia athu a muenhu.

Izekiiele 31:14

mbebhu o miẋi ioso bhu mbanduʼa menha ki i zangalale mukonda dia kitala kiâ, mba i zangula o dizoko-zoko diâ muʼaxaxe ka jithangu ja vundu, mba o ioio ia mu nuâ o menha i di dielela kiá ngoho iene, mukonda dia kitala kiâ; kuma iene ioso a i bhakula muene ku kalunga-ngombe, katé ni ixi ia beta o kutunuka, muʼaxaxe ka anʼa athu a i bhakula ue kumoxi ni afi oso ió a tuluka mu kina.

Habakuke 3:10

O milundu ia ku mono, ì ia teketa; kua bhiti kihungulule kia menha; o dikungu dia mukiukuluku, ki di moneka hole, a dʼivu dízui diê ni kuleka muene o maku mê bhulu.

Habakuke 3:6

Uemana, anga u kala mu kuzonga ixi; ua tale, iu ua uanununa o miji; o milundu iòkulu i sekumuka anga i kituka fufuta, o tu-thuthulundu tua makulu ni makombe, tu senguluka, anga tu jikinina, maji o jinjila ja Nzambi ja kaiela-ku.

Matesu 16:18

Kala kiki, ngi ku ambela dingi, kuma eie Phetele, o bhu ndànji iíi, bhene bhu ngi tunga o Ngeleja iami, o mielu ia Kalunga ki ia kà tena ku i lundumuna.

Matendelelu 32:22

Kuma kiene ki ngalʼiki njinda iami iauama túbhia, tua kà uama muene, katé tua bhiẋila mu jihota joso ja mukiukuluku; phala kubuikisa oxi ni funza iê ioso; ni ku jikatesa o madisesa ma milundu.