Jona 1:8 - O Mikanda Ikola

⁸ Kienʼokio a mu ambela exi: Eie tu tangele kindala se uíndua iú ua tu ijila bhebhi. Ufunu ué, uahi? Ua tundu ue kuebhi? Ixi ié iahi? Eiʼmuene u mukʼuahi? Muiji uenu kuebhi ku ua tokala?

Jona 1:8 ပူးပေါင်းရင်းမြစ်များ

Dimatekenu 47:3

Falaó anga uibhula jiphange jê, uixi: Mu akua ufunu uahi? Ene exi: Selevende jé, ngana, abidi a jimbudi, ni etu ni jitata jetu.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.

Josuué 7:19

Josuué anga uambela Akane, uixi: Monʼami, nga ku diondo, bhana fuma kua Jihova, Nzambi ia Izalaiele, u fisale bhu pholo ia muene; ngi tangele kioso ki ua bhange; kana ku ngi dingila-kiu.

I Samuuele 14:43

Saúlo bhenhobho anga u ambela Jonata, uixi: Ngi tangele kioso ki ua bhange. Jonata anga u mu tangela, uixi: Nga lola ngó tuuiki ni pondo ia mbangala i nga kuatele bhu maku, kiki kua bhingi ngi fua? Kuabhu! Emʼiú!

I Samuuele 30:13

Davidi anga u mu ibhula, uixi: Eie ua tokala kua nanhi? O ku ua tundu, kuebhi? Muene, uixi: Ngi mukua Ijito, ngi mubhika ua mukua Amaleke, ngana iami-phe, lelu tatu tunde kia ngi xi ku dima, mukonda dia kukata kua ngi kuata.