Jona 1:6 - O Mikanda Ikola

⁶ Ua mu tumina o naviiu-phe, u bhiẋila bhu mbandu iê, hé u mu ambela uixi: Na Kakilu, ihi ia ku kuata? Ua zekela-hi kiki? Balumuka, u sambele Nzambi ié, sumba Nzambi u tu lembalala phala ki tu di bote muʼalunga.

Jona 1:6 ပူးပေါင်းရင်းမြစ်များ

II Samuuele 12:22

Muene-phe uixi: Mona kia kexile ku muenhu, ngi fula kúdia, ngi dila, kuma ngambe, ngixi: Nanhi ua kʼijiia mba Jihova u ngi kuatela henda, phala mona a bhuluke?

Estere 4:16

Ndeie, ua kà bhongolole o jijudé joso ala mu mbonge ia Suzana, mu jejuuale mukonda diami, mu fule kúdia ni kúnua mu izuua itatu, ni mu muanha ni mu usuku. Eme uami ni ilumba iami tu jejuuala kiene kimoxi, o ki ki bhua ku ki bhanga kiene kiua ki ngi bhixila kua muenexi, sumbala kima a ki kidika ku ki bhanga; se ki ngi bhinga kubuila-phe, kuabhu, ngi kana kubuila.

Jisálamu 107:6

Bhenhobho a dikola kua Jihova mu lamba diâ, muene hé u a kudila mu kubhondalala kuâ.

Jisálamu 78:34

Muene uila u a jibha, ene kiene kiua kia mu kenga; a diela hé a vutuka ni kusota Nzambi makidikidi.

Izaía 3:15

Jihova, Nzambi ia Ifuẋi, uixi; Ihi ia mi kuata, enu mua mu kuenda ni kutatesa o mundu uami, ni kututujula o pholo ia jingadiama?

Izekiiele 18:2

Enu ihi ia mi kuata, enu mua mu zuela o Sabhu iii ku ixi ia Izalaiele, muexi: O jitata ja-di uva ja uisu, o mazu a anʼâ ezala uèngenge?

Jouele 2:11

Jihova-phe ua tuamenena bhu pholo ia kifuẋi kiê, u zangumuna mbimbi iê kuma o ilômbo iê kuvula kuahi! Mukonda muene Dizonda mu kubhanga kioso kia zuela! Mbata kizuua kia Jihova kionéne, ki bheka uôma! Nanhi ua kà tena kuimana-bhu?

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

Jona 3:8

Maji o athu ni ibhaku a di kuta jisaku; hé a dikola ni nguzu kua Ngana Nzambi, a diele, kala muthu ku njila iê ia bhengalala, ni ku ikuma ia maku mê.

Jona 3:9

Nanhi ua kʼijiia, se Nzambi u lunguluka, hé u diela ku ioso ia mesena ku tu bhanga, anga u sondolola kutema kua njinda iê, phala ki tu jime mbutu?

Jipoxolo 21:13

Kieniokio Phaulu ua kumbulula, uixi: Mu didila-hi kiki, anga mu ngi bhekela lamba diavulu ku muẋima? Kuma eme ngala polondo, ki ku ngi kuta ngó, maji katé ni ku ngi jibha mu Jeluzaleme mukonda dia dijina dia Ngana Jezú.

Loma 13:11

Nga ki ambe kuila enu mua fuama mu bhanga kieniiki, mukonda o thembu i tuala mua ijiia. Kumbi diezabhu kiá, dia kubalumuka ku kilu. Mukonda, kiki o kubhuluka kuetu kua zukama dingi kiengi, ki ki soko ni ki tua mateka o kuxikana.

Efezo 5:14

Mukonda kioso ki di tukulula mua zele, ki di bhanga mukengeji. Kiene kia ki ambela, exi: Phaphumuka eie uaii ku kilu, u fukunuke mu ʼalunga, kristu nda a ku bhake mua zele.