Jona 1:5 - O Mikanda Ikola

⁵ Kienʼokio atabhuidi ezala ni uoma uavulu, anga a samba kala muthu kua nzambi iê, kala muthu kua nzambi ié, imbamba ioso iala mu naviiu anga a i takula mu kalunga, phala kusosolola o kinemenu mu naviiu. Jona-phe ua di kuzula mu kaẋi ka naviiu ku hole iê, iu ua zeka; hé u di ta ku kilu muene kia muioko-ioko.

Jona 1:5 ပူးပေါင်းရင်းမြစ်များ

I Jisobha 18:26

Anga ene a kuata o ngombe ia a bhele, anga a i iudika; anga a nanga ni kuixana mu dijina dia Bahale tunde mu kimene katé mu kaẋi ka kizuua, ku mediia, exi: Eie Bahale, tata, tu vutuile! Kuene-phe ni kuene hudi! Ni dízui ngó di a vutuila, lémbue! Anga a kuata kutuka-tuka ku thandu dia kalatódio ka tungile.

Jobe 2:4

Bheneʼobho Satana u vutuila Jihova, uixi: Muenhu uà touala, kuma kikonda mu kikonda, o muthu ioso iala na-iu u i bhana mu ku kula o muenhu uê.

Jisálamu 107:25

Kuma u tuma, hé u bheka-ku o kitembue kia suína, anga ki balumuna o mabhuku mê.

Jisálamu 148:8

Túbhia ni matadi ma mvula, neve ni mbundu, kitembu kia kibhungu, iene ioso i kumbidila o kizuelu kiê.

Ndongixi 3:6

Sai thembu ia kusota, ni thembu ia kujimbidisa; thembu ia kubhaka ni thembu ia kutexi bhu kanga.

Izaía 45:20

Di-phophienu nda muize; ejilenu bhuamoxi enu oso mua bhulaka ku ifuẋi; kʼeji kima oso akua kuambata o iteka ia kuseta ia mixi, anga a samba ni kudionda ku nzambi ki i tena kubhulula muthu.

Jelemiia 2:28

O jinzambi jé-phe ji ua di iudikila jala kuebhi? ji balumuke se ji tena ku ku kudila bhu kithangana kia ku bhondalala kué: Mbata jinzambi jé, u Juda, ja soka ni ji sanzala jé mu kuvula.

Hozeia 7:14

Ene ka mu dikola ko kuami ni muẋima uâ uoso; o kiala-bhu, mikemu ia bhela bhu jihama jâ, mukonda ene a bhongolokela ngó masa ni vinhu, eme a ngi bhukumukina.

Jona 1:14

Anga a samba kua Ngana, exi: U Jihova, etu tua ku diondo, ki tu di bote mukonda dia muenhu ua diiala didi, o manhinga mê ka kale kikuma kiza ku thandu dietu, kuma eie Jihova ua bhange kioso kia ku uabhela ki ua solo kubhanga.

Jona 1:16

Mala enhá-phe a kala ni uoma ua Ngana, uoma uavulu muene; anga a bhana jisata kua Jihova, hé a mu tela jihâsa.

Jona 1:6

Ua mu tumina o naviiu-phe, u bhiẋila bhu mbandu iê, hé u mu ambela uixi: Na Kakilu, ihi ia ku kuata? Ua zekela-hi kiki? Balumuka, u sambele Nzambi ié, sumba Nzambi u tu lembalala phala ki tu di bote muʼalunga.

Matesu 25:5

Kiosuʼiki-phe ngà-iala ua kokoloka, ene oso a koxila, aia ku kilu.

Matesu 26:43

Anga uiza dingi, u sanga áii ku kilu, mukonda mesu mâ ma neme ni kilu.

Matesu 26:45

Anga uiza ku jixibulu, u ambela, uixi: Enu hanji mua zeka? Muàii muene ku kilu? Talenu, ola ieza kiá, Monʼa Muthu ia a mu thelekala kiá bhu maku ma akua ituxi.

Jipoxolo 27:38

Ene oso kia zubha o kuikuta, masa a ma takula mu menha, phala kutebhununa o naviiu ni i bhebhuluke dingi.

Afundixi 16:19

Dalila anga u mu isa ku kilu, ni ku mu njunjana ni ku mu ta ifunhe, ua bhetuila ku jiphuna jê. Anga u ixana muthu u mu bhuta o sambuadi dia jingindu ja jindemba jê ja kexi na-ju mu mútue; nguzu-phe anga i mu sosoloka ua tobhoʼê kiá, kuma katé ni Dalila muene kia mu teza ngó ua mu lende kiá.

I Samuuele 24:3

Anga u bhixila bhu ibhanga ia jimbudi mu njila, bhuala dibanda; Saúlu u bokona-mu mu ku di tebhununa mu mala. Davidi-phe ni makuenze mê a xikama mu jihota ja dibanda dienhidi.