Jona 1:4 - O Mikanda Ikola

⁴ Maji o Ngana u tuma kitembu kia dikota kubhuka mu kalunga, hé mu dibhanga kibhungu kionéne, naviiu anga inda i budika.

Jona 1:4 ပူးပေါင်းရင်းမြစ်များ

Jisálamu 135:6

Jihova ioso ia mu kexe mu vondadi iê, iene muene ia bhange, ni mu diulu ni mu ngongo, ni ku musanza, ni mu ididi ioso muazongo.

Jisálamu 135:7

U bhangesa mbundu kutuka jinga ku maẋokololo a jixi; u bhangesa nzaji ienda ni mvula; u katula kitembu mu dibhakelu diê.

Jisálamu 148:8

Túbhia ni matadi ma mvula, neve ni mbundu, kitembu kia kibhungu, iene ioso i kumbidila o kizuelu kiê.

Makatukilu 10:13

Mozé anga u zenga o mbangala iê ku thandu dia ixi ia Ijitu, Jihova anga u bheka kitembu kia mutundila-kumbi mʼoxiʼomo, ni kizuua kiosuʼokio ni usuku uê; o ki kuáki kitembu kia mubandela-kumbi kieza ni kihoho.

Makatukilu 10:19

Jihova anga u lungulula o kitembu, hé ku bhuka kitembu kia nguzu kia mubolokela-kumbi kizangula o kihoho, anga ki ki takula mu Kalunga Kakusuka; ni dihoho ngó dimoxi ki dia xala mʼoxi ioso ia Ijitu.

Makatukilu 14:21

Mozé anga u sunununa o lukuaku luê ku thandu dia kalunga; Jihova anga u vutula o menha a kalunga ni kitembu kia mutundila-kumbi kia bhuka usuku uosʼô, ki kia bhangesa kuila bhu kaẋi bhua kukuta, menha a di uanununa mbandu ni mbandu.

Makatukilu 15:10

Ua bhusu ni kitembu kié, kalunga ka a bhiti ku thandu; a njoboka kala xumbu mu mabhuku a makota.

Jelemiia 51:16

Muene kia di ta mutendu mu kuivisa dízui diê, diulu dioso dizala kilungutu kia menha, mbundu iia ni kutukumuka tundé kua suku oxi; Muene ua bhange o jinzaji mbé o mvula, anga u katula kitembu mu malundilu mê.

Amoji 4:13

Kuma Muene, muene uombu o milundu iu ua iudika ue o kitémbue, u tanga ixinganeku ia muthu, kimene u ki bhilula usuku, mavu u a bhita bhu thalʼèlele; dijina diê Jihova, Nzambi ia Ilômbo Ieta.

Dialuilu 11:31

Anga ku tunda kitembu kua Jihova, ki tunda muʼalunga ni kubheka tungumbe, tua lalumukina mu jimbandu ja kilômbo, bhu tua suku kuku uenda kumbi dia kambàmba, bhu tua suku kuku ue kiene kimoxi, tua kondoloka kilômbo kioso, mu kitala kia kôvadu jiiadi tundé bhoxi.