Jona 1:2 - O Mikanda Ikola

² Balumuka, u-ie mu mbanza ia dikota ia Ninive, u kole njimbu ia kibuika kiê, mukonda ituxi iê ia bande kunu, ia ngi bhiẋila.

Jona 1:2 ပူးပေါင်းရင်းမြစ်များ

Dimatekenu 10:11

O kutunda mʼoxi momo, uia mu Asídia, u tunga Ninive, ni Lebote-Ile, ni Khala.

II Jisobha 19:36

Kieneʼokio o Senakedibe, sobha ia Asídia, anga u zanguka, uia, hé u vutuka, anga u kala bhu Ninive.

II Malunda 28:9

Muenhomo-phe mua kexile polofeta ia Jihova, dijina diê, a muʼila; Odele. Muenʼiú anga u tunda mu ku kauidila o kifuẋi kia masoladi, kia mu kuiza mu Samádia, anga uʼambela, kuila: Talenu, kioso Jihova, Nzambi ia jitata jenu kia thathamena akua Juda, ua a bhakula bhu lukuaku luenu, enuʼenu mua a jibha kiabhu ni njinda ia bhingi kuila ia bhixila katé mu diulu.

Ejidala 9:6

Nzambi iami, tata! Nga tandanganha ni jisonhi, ki ngi tena kubhetula pholo iami ni kutala kokué, u Nzambi iami! Mbata ikuma ietu ia di sokolola bhu thalʼa mítue ietu, o kuêla kuetu kua tuta muene ku diulu.

Izaía 37:37

Kia bhingi-phe Senakedibe, sobha ia Asídia, ua lenge iú uaii, ua vutuka, anga u kala mu Ninive.

Izaía 58:1

Dikole ni dízui dia suina, ku dixibhe, zangumuna dízui dié kala koloneta, uidikize athu ami o kikuma kiâ, o dibhata dia Jakobo ue idika-diu o ituxi iâ.

Jelemiia 20:9

Bhenhobho-phe, eme ngixi: Kuabhu nga te maka, nguami dingi ku tanga kima mu dijina dié. Maji-phe o maka mé mu muẋima uami medi kala túbhia, tua uama, tuʼojikile mu ifuba iami; nga bhuila ni kutala hadi, nga lémbua kiá.

Izekiiele 2:7

Maji eie-phe, ua kà a tangela o maka ami, kixi evua kixi a kamba kuívua, kuma ene ala dibhata dia ẋinuka.

Hozeia 7:2

Mu muẋima uâ a lémbua kutongolola kuma ngi lembalala o ituxi iâ ioso; o ki tualʼiki-phe ikalakalu iâ ia a kondoloka, ia lulama muene bhu pholo iami.

Jona 3:2

Balumuka, uie mu mbanza iadikota ia Ninive, u boke njimbu ioso i ngi ku tuma.

Jona 3:3

Jona anga u balumuka, hé uia mu Ninive, kala kia zuela Jihova; Ninve-phe ia kexi mbanza iadikota, ku i enda kanga diê dia izuua itatu.

Jona 4:11

Kífua eme ki nga tokala kukala ni henda ia mbanza iadikota ia Ninive, muala hama ni makuinhi a iadi a midi ia muthu ndenge, athu kejiia lukuaku luâ lua kadilu ni lukuaku luâ lua kiasu, ni ibhaku iavulu?

Mikeia 3:8

Maji eme-phe, ni kidi kiene, ngi kala mu kuizala ni nguzu ia Nzumbi ia Ngana; ngezala ni kutetuluka mu kubatula milonga, ngezala ni kusuína kua kutangela Jakobo o kutondala kuê, ni Izalaiele o kituxi kiê.

Nahumu 1:1

Kinemenu kia Ninive. Divulu dia kisúmua kia Nahumu, mukua Eleko.

Nahumu 3:19

Ki bhuala milongo i tena kusaka o fidila ié; o kítoto kié ki xixima kala fidila ia mukongo; oso kiá a kʼevua o fuma ié, a kà sanguluka ni kubeta jimbanda ku maku; mbata nanhi ua kambe kutala hadi mukonda dia kuzukutisa kua phulu ié.

Matesu 10:18

Katé muene ni bhu pholo ia jinguvulu ni enexi a kà mi bheka-bhu mukonda diami, mu ku a bhana o umbangi ua Njimbu Iambote, ni ene ni akua jixi jengi.

Matesu 12:41

Mu kizuua kia kufundisa, akua Ninive a kà funda ni muiji uenhú, nʼa u belesa; mbata kiene kievile ngó o maka ma Jona, ituxi iâ a i diela. Bhenhabha-phe sai-bhu ni Iú ua tundu Jona!

Tiiaku 5:4

o futu ia jingunza ja kalakala mu mabhia menu, mua emina-iu. O mu kuditenda kuâ ivenu kia-lu dikola! O mitendu ia enhó a munu o mabhia menu, ia bokona mu matui ma Ngana Nzambi, Muteni-a-Ioso.

Dijingunuinu 18:5

Mukonda o ituxi iê ia bhixila katé ku diulu ni kudilunjijika, o Nzambi iu ua xinganeka o ikuma iê.