Jona 1:16 - O Mikanda Ikola

¹⁶ Mala enhá-phe a kala ni uoma ua Ngana, uoma uavulu muene; anga a bhana jisata kua Jihova, hé a mu tela jihâsa.

Jona 1:16 ပူးပေါင်းရင်းမြစ်များ

Dimatekenu 28:20

Jakobo anga u di hambelela, uixi: Se Nzambi u kala ni eme, nʼa ngʼendese mu njila i ngala kuilʼiii, nʼa ngi bhane o mbolo ia kúdia ni kizuatu kia kuzuata,

Dimatekenu 8:20

Noué anga u tunga kalatódio ka Ngana; u kuata ku jixitu joso jazele, ni ku jinjila joso jazele, anga u bhana jisata ja kuoha ku thandu dia kalató dio.

II Jisobha 5:17

Naamane he u zuela, uixi: Kuabhu phe! Kikale kala ki ua ki mesena eie. Sumbala kiene, maji-phe o mubhikʼé muenʼiú a mu bhane kiá ngoho dibhûbhu dia mavu a tena kimbamba kia mula jiiadi; mukonda o mubhikʼé iú ki mungu dingi a bhakuila sata ia kubhakula ni túbhia mba sata ioso-ioso ku jinzambi jengi, ki kale ngó kua Jihova.

Jobe 37:24

Kiene athu kiene ku mu kuatela uoma; mukonda muene kene mu ku tala kua ió a di fika kuijiia mu miẋima iâ.

Jisálamu 107:22

A mu satele jisata ja kusakidila, o ikalakalu iê a i tumbule ni kuimba ni kusanguluka.

Jisálamu 116:14

Ngi futa jipolomesa jami, ji nga plometela kua Jihova, ngi ki bhanga muene bhu pholo ia mundu uê uoso.

Jisálamu 50:14

Kota u satela Nzambi sata ia kusakidila; kumbidila kioso ki ua tange kubhana kua Suke-ku.

Ndongixi 5:4

Kioso ki u plometela kima kua Nzambi, bhanga na-kiu lusolo; kuma Nzambi kà uabhela ioua; kala kiki, ioso i ua polometela Nzambi, futa na-iu muene.

Izaía 26:9

Mʼusuku uenhú, nga ku-indi mu muenhu uami; ni nzumbi ia ngi kala moxi, nga-nda ku dimeneka ku ku sota; kuma matetuluilu mé nʼa kala mu ngongo, akua-xi kulu dia mundu a di-longa o kidi.

Jelemiia 5:22

Jihova uambe: Enu nguenu ku ngi xila, kuambienu? nguenu ku ngi kala ni uoma, eme nga te o mbambe ia kisèkele kia hatu mu xitila o kizanga kia kalunga, i ia xalela ngonge i nangenena ia bhingi o muene u lembua ku i matuka? Né-mbe u fundumuna mabhuku mê, ka tena kutolola; né-mbe mabhuku a zuma, mbambe ka kà i somboka.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.

Jona 1:10

Kienhokio mala iá a kala ni uôma uavulu, hé a mu ambela, exi: Eie phala-hi ua bhange kiki? Mbata a kʼijiia kuma muene uala kulenga Ngana, kuma muene ua a lomboluela-kiu.

Jona 1:14

Anga a samba kua Ngana, exi: U Jihova, etu tua ku diondo, ki tu di bote mukonda dia muenhu ua diiala didi, o manhinga mê ka kale kikuma kiza ku thandu dietu, kuma eie Jihova ua bhange kioso kia ku uabhela ki ua solo kubhanga.

Marku 4:31

Ua di fangana ni lumbundu lua mbutu ia mustarda, kia lu kuua mu mavu, sumbala luala ndengiʼèlele ku jimbutu joso mu ngongo.

Jipoxolo 5:11

Uôma uavulu anga u kuata o Ngeleja ioso, ni iá oso kiá evu imʼ iíi.

Afundixi 13:16

Anju ia Jihova anga i ambela Manoua, ixi: Né ua ngi kingisa ki ngi di kúdia kué ku u ngi bhana; se uedi-phe u bhana sata ia kuoha, kale u i satela Jihova. Kuma Manoua ka kʼijiia kuila anju ia Jihova.