Jona 1:14 - O Mikanda Ikola

¹⁴ Anga a samba kua Ngana, exi: U Jihova, etu tua ku diondo, ki tu di bote mukonda dia muenhu ua diiala didi, o manhinga mê ka kale kikuma kiza ku thandu dietu, kuma eie Jihova ua bhange kioso kia ku uabhela ki ua solo kubhanga.

Jona 1:14 ပူးပေါင်းရင်းမြစ်များ

Dimatekenu 9:6

O uoso u ẋamuna o manhinga ma muthu, muthu ni mukuâ a mu ẋamune ue o manhinga mê; kuma muthu a mu bhanga mu kidifuanganu kia Nzambi.

Jisálamu 107:28

Bhenhobho a dikola kua Jihova mu lamba diâ, muene-phe u a kudila mu kubhondala kuâ.

Jisálamu 115:3

Etu Nzambi ietu-phe uene mu diulu; mukua kubhanga ioso iandala.

Jisálamu 135:6

Jihova ioso ia mu kexe mu vondadi iê, iene muene ia bhange, ni mu diulu ni mu ngongo, ni ku musanza, ni mu ididi ioso muazongo.

Izaía 26:16

Maji, tata, kioso kia a kondo o ngongo, ejiie ku ku sota; kioso ue ki ua a bazela, ene-phe a mbolojoka ni kusamba mu kasuèkele.

Jona 1:13

Suke-phe mala a kuata kutabhula ni nguzu, a di suinisa muene kutala se a zaúka ku sámbua, maji ka tena; mukonda kalunga ka di vunzulula, ka a tatesa kiavulu.

Jona 1:16

Mala enhá-phe a kala ni uoma ua Ngana, uoma uavulu muene; anga a bhana jisata kua Jihova, hé a mu tela jihâsa.

Jona 1:5

Kienʼokio atabhuidi ezala ni uoma uavulu, anga a samba kala muthu kua nzambi iê, kala muthu kua nzambi ié, imbamba ioso iala mu naviiu anga a i takula mu kalunga, phala kusosolola o kinemenu mu naviiu. Jona-phe ua di kuzula mu kaẋi ka naviiu ku hole iê, iu ua zeka; hé u di ta ku kilu muene kia muioko-ioko.

Jona 3:8

Maji o athu ni ibhaku a di kuta jisaku; hé a dikola ni nguzu kua Ngana Nzambi, a diele, kala muthu ku njila iê ia bhengalala, ni ku ikuma ia maku mê.

Matesu 11:26

Kiene bá Tata, kuma kiene kia ku uabhela kubhanga!

Jipoxolo 28:4

O matumbu ala mu kikôlo, kia mono o kibâmba kia mu nhenganana ku lukuaku, a di ambela, exi: Muthu iú uedi kala kijibhanganga! Mukonda sumbala ua bhuluka mu menha, maji Ngunza ka mu ehela kukola muenhu.

Efezo 1:11

Mukonda o ima ioso a i bhanga kala kia i xindi Nzambi mu ikanenu iê. O muène iú ua tu solo kukala tu mundu uê, mu kuongama kuetu ni Kristu, kala kioso kia mu kala mu vondadi iê, kia ki sola Muène tunde ku dimatekenu.

Efezo 1:9

ua kumbidila kia solele kubhanga, iú ua tu ijidisa o kikanenu kiê kia kasuèkele ki andalele kubhangela mua Kristu.

Matendelelu 21:8

Uila kiki-phe, eie Jihova, o mundu ué ua Izalaiele luuluka-nâ, Eie-muène ua a kula, kana ku a xina ku thandu diâ o mulonga ua manhinga ma muthu iú ua kambe kikuma. Kuabhu-phe, o manhinga momo a ma katula kiá ku konda iâ, ene anga a di zela.