Jona 1:12 - O Mikanda Ikola

¹² Muene anga ua ambela uixi: Ngi zangudienu; mu ngi takule mu kalunga, kalunga ka-nda kutululukʼê; mbata eme ngejiia kuma mukonda diami, kiene ki kua miʼijila kibhungu kia dikota kiki.

Jona 1:12 ပူးပေါင်းရင်းမြစ်များ

II Samuuele 24:17

Davidi anga u ambela Jihova, kia mono o anjo iala kubeta o mundu, uixi: Tala, nga te kituxi eme, eme nga bhange kuthathamana; jimbudi jiji-phe ja bhange kima kiahi? Nga ku diondo, lukuaku lué lu ngi nemene eme, ni dibhata dia tatʼetu.

I Malunda 21:17

O Davidi anga uambela Ngana Nzambi, uixi: Kʼeme muene nga tange kuila alule o mundu? Kʼeme muene ngi mukua mulonga, eme nga bhange kia iibha kiavulu. Maji o jimbudi jiji, enu malʼenu, kima kiahi kia bhange? Ai! Ngana Nzambi iami, tata! Lukuaku lué lu ngi bilukile eme, lu bilukile ue o dibhata dia tatʼetu, ki ki bhane jihadi ku mundu ué, kana.

Jobe 35:8

O kikexilu kié kia ku kamba henda ki tena ngó ku bhanga kia ibha ku muthu ni mukuenu kala eie; o kuiuka kué kuzediuisa ngó monʼa muthu.

Ndongixi 9:18

Kuma o unjimu kota, o mata a ita ndenge; maji o mukua ituxi umoxi ngó u zanga ndumba dia jimbote.

Jona 1:11

Anga a mu ambela exi: Tu ku bhanga-phe kiê, phala o kalunga ka tululuke, mukonda ka teme, menha ala kuditudijika dingi kiavulu.

Jona 1:13

Suke-phe mala a kuata kutabhula ni nguzu, a di suinisa muene kutala se a zaúka ku sámbua, maji ka tena; mukonda kalunga ka di vunzulula, ka a tatesa kiavulu.

Nzuá 11:50

Mua lémbua kuxinganeka kuma, kota o muthu umoxi kufuila o mundu, kiki soko ni muiji uoso kubuila.

Jipoxolo 27:24

Uixi: Ku kale ni uôma, Phaulu! Kuma eie ua bhingi ua kèmana bhu pholo ia Sézalu. Talesa-phe, o Nzambi mu mbote iê ua ku bhana kiá oso u uala kuendela-nâ kumoxi mu naviiu.

Josuué 7:12

Kiene kia lembuela anʼa Izalaiele kuimana bhu pholo ia jinguma jâ; a bhana makunda ku jinguma ni kulenga, mukonda ala ni mázui. Hé mu kamba kutubhula kimʼokio kiokidike muʼaxaxi kenu, eme ki ngi kala dingi kumoxi ni enu.