Jona 1:10 - O Mikanda Ikola

¹⁰ Kienhokio mala iá a kala ni uôma uavulu, hé a mu ambela, exi: Eie phala-hi ua bhange kiki? Mbata a kʼijiia kuma muene uala kulenga Ngana, kuma muene ua a lomboluela-kiu.

Jona 1:10 ပူးပေါင်းရင်းမြစ်များ

Dimatekenu 3:13

Jihova Nzambi anga u ambela muhatu, uixi: Eie phalaʼhi ua bhange kiki? Kuala muhatu; o nhoka ia ngi tobhesa, eme nga di.

II Samuuele 24:3

Jouabe anga u ambela muenexi, uixi: Jihova Nzambi ié a bandekeze mundu iú, né a tena konda iahi, phala a vule dingi luhâma, nda eie muene kùku, ngana iami, nʼu ki mone mesu. Maji phala-hi-phe, kùku, ngana iami, kia ku uabhela o kubhanga kima kiki?

Jobe 27:22

Ima iosuʼiii, Nzambi u mu lunduluila-iu muene ku thandu diê, ka muʼehela, kana; sumbala muene u sota kulenga bhu lukuaku lua Nzambi.

Jona 1:11

Anga a mu ambela exi: Tu ku bhanga-phe kiê, phala o kalunga ka tululuke, mukonda ka teme, menha ala kuditudijika dingi kiavulu.

Jona 1:3

Jona anga u balumuka phala kulengela ku Talxixi, mukonda dia Ngana; kia kulumuka ku Jope, u sanga-ku naviiu iala kuia ku Talxixi, u futa muômbo uê, anga u di longa momo phala kuia ku Talxixi mukonda dia kulenga pholo ia Ngana.

Nzuá 19:8

Pilatu-phe ki evu kiki, uôma ua mu kuata dingi.

Josuué 7:25

O kia bhixila momo, Josuué anga u mu ambela, uixi: Eie ua tu bhekela-hi kuxixima kuosʼuku? Jihova phe ue ua ku bhe kuxixima kizuua kia lelu. Izalaiele ioso anga a mu bûba ni matadi bhenhobho. Anga a oha mu túbhia, kioso kia zubha ku a bûba ni matadi.