Jobe 8:3 - O Mikanda Ikola

³ Mbebhu Nzambi uene mu kubhengeleka ima ia iuka? O Muteni-a-Ioso mu kufundisa u bhengeleka?

Jobe 8:3 ပူးပေါင်းရင်းမြစ်များ

Dimatekenu 18:25

Lu ku suke, Ngana, ki ki bhite kuila u bhanga kima kala kiki, uila ni iá alungu ni iá abhukumuka u a jibhila kumoxi, kifua ni iá alungu ni iá abhukumuka, a soka? Ki ki ẋikina Ngana; Kifua Mufundixi u fundisa ioso mu ngongo, u lémbua kubatula mu kidi, hé u bhanga o kima kia kukamba kulûnga?

II Malunda 19:7

O kiki-phe, uoma ua Jihova u kale ni enu; alukenu-kiu, mu ki bhange; kuma kua Jihova, Nzambi ietu, ki ku moneka kituxi, mba kusuua jipholo ja athu, mba kuẋikina maujitu.

Jobe 10:3

Kiedi kala kia ku uabhela ku ngi bhondeleka; kikalakalu kia maku mé u kiʼehelela anga u kuatekesa kikutu kia isuéia?

Jobe 19:6

ijiienu-kiu-phe kindala, kuila Nzambi muene ua ngi tatesa, ua ngi kondoloka ni uanda uê.

Jobe 19:7

Tala, ngi tá nzôngo, ngixi: Kusuinʼé! maji ka ngʼivu, kana; o ki ngi di kola, ngixi: Ngi bandienuʼé! kana-ku u ngi batuila mulonga mu kidi.

Jobe 21:15

O Muteni-a-Ioso muene nanhi, kuila etu tu mu bhikila? Mu ku mu sambela muene, tua-nda ku katula-ku kima kiahi?

Jobe 21:20

Kioso ki muiza uíndua, u di muene-kiu muene-muène ni mesu mê, anga únua muene ku njinda ia Muteni-a-Ioso.

Jobe 34:5

Mukonda Jobe uambe, uexi: Ngi muthu ua iuka, maji o Nzambi kulúnga kuami kuoso kua ngi fuama ua ngi katula-ku.

Jobe 35:13

Kutanga o kidi, o kudikola kua hatu Nzambi ka kuivu, mba Muteni-a-Ioso utala kua ene.

Jobe 36:23

Nanhi u tena ku muʼibhula ioso ia bhange muene mu njila iê, mba nanhi ua muʼedi kuma: Eie ua bhange kia ibha?

Jobe 36:3

Tundé ku makanga ngi kiʼamba dingi lua mukuá, kuila, o Ió ua ngi bhanga kène ni mangonha.

Jobe 37:23

Kua Muteni-a-Ioso ki tu tena ku mu bhiẋila; muene ukôla mu kutena kuê, maji-phe, mu kufundisa, o kidi kene mu ku ki lungulula.

Jobe 4:17

Manhi o muthu u kala kota mu kuiuka, Nzambi ndenge? Mbebhu muthu u beta kota o kuzela o Ió ua mu bhanga u kala ndenge?

Jobe 40:2

Manhi o kuzoka mu ku bilukila Muteni-a-Ioso, kuene o kulonga? Uoso u tembula Nzambi mu kienʼiki, a vutule hanji ku ima ienʼiii.

Jobe 40:8

Ni kidi kiene, eie kufundisa kuami ua-ndu ku kitula kingoho, mba u ngi belesa eme, eie ni u di lungise?

Jobe 9:2

Kutanga o kidi, eme ue nga kʼijiia kuila kiene muene: Mukonda muthu u di lungisa kiebhi kua Nzambi?

Jisálamu 89:14

Ni kufundixa kua kidi ni kutetuluka kua ku fikidila o kiandu kié; ni kulenduka ni kidi a ku tuamenena kuoso-kuoso ku u di tela.

Jisálamu 99:4

Eie, ku ungana ué, uinda kufundisa kuambote; o ixi iasekalele, eie ua i fukula dingi kiengi; eie kufundisa kué mua Jakobo, kua kidi ni kutetuluka:

Izekiiele 18:25

Enu-phe muexi; O njila ia Jihova ki ia iuka kiambote ditônono. Kindala-phe, ivuenu enu mu dibhata dia Izalaiele: Manhi o njila iami ki iala ditônono? Mbé o njila jenu ki jene ja bhengajala?

Izekiiele 33:17

Sumbala kiene, maji o an, a mundu ué a zuela, exi: O njila ia Jihova ki iala ditônono; maji o njila ia ene muene, iene-ku ki i sokelela.

Izekiiele 33:20

Sumbala kiene, maji-phe enu muexi: O njila ia Jihova ki i iuka ditônono; maji, enu-phe, muiji ua Izalaiele, tata, nga-nda ku mi fundisa muthu ni muthu kala kia fuama mu njila jê.

Daniiele 9:14

Kiene kia bhangesa Jihova kukala ni muanu ua kuiibha kuosʼuku, iu ua ku tuluila kuthandu dietu. Mukonda Jihova Nzambi ietu, ualungu muene mu ioso ia tu bhange, muene u fundisa mu kidi kiê, mbata etu-ku tua bhukumukina o diízui diê kuma tua fulu ku dívua.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!

Dijingunuinu 16:7

Anga kienhókio ngʼivua dízui dia tundu bhu kalatódio, dixi: Kiene muene! Eie Ngana Nzambi, Muteni-a-Ioso, o kubatula kué kua kidi, kuaiuka!