Tala kuma eme, nga-nda ku mu ta nzumbi moxi diê, o muene ua kʼevua minumango anga u vutukila kʼoxi ié; o mʼoxi iê-muène, muene mua kà fuila ku xibhata.
Tala, kueza kitémbue kia dikota, kia tundila mu kikangalakata, ʼkí kia di vundu ku thungi jiuana jaʼnzu, o inzu i ia lundumukina ku thandu diâ, minzangala ia afu ene oso; eme-muène ngó nga subhuka-ku phala ku ku bhekela o njimbu.
Koxi a menha anga ku moneka ni kioso ki enda jihonga jê, kibumu kia xala mu kanga katé ku disesa diê, mukonda dia kubazela kué, u Jihova, mukonda dia muha u fuafua mu mazuluʼé.
Maji ua kà fundisa jingadiama ni kidi kioso; oso a belesela bhoxiʼabha ua kà a bazela sé ngó katungu. Maji oxi ua kà i nemeka ni mbangala ia dikanu diê, mukua-phulu ua kà mu jibha ni muha ua dikanu diê.
Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.
O kia kà zubha ku mu katula-ku, kiene kia kà tukuluka o Kisueiʼokio, u bhinga Ngana Jezú kià kèza ua kà mu jibha ni muha ua dikanu diê, ua kà mu bhuisa-ku ni kisuma kia kutukuluka kuê-muène.