Jobe 3:4 - O Mikanda Ikola

⁴ Kizuua kienhókio ki di bhange kitombe; o Nzambi ue bhuluʼobho ka ki kuatele muanu, né ngó o mukengeji ki u tue-ku.

Jobe 3:4 ပူးပေါင်းရင်းမြစ်များ

Jobe 3:3

Ki jikinine muene o kizuua kia ngi vuala ni usuku uambe, exi: Emita-ku monʼa diiala!

Jobe 3:5

Usuku ua nzumba u ki sambukila ni kitombe kia kalunga; matuta a vundu a tunge ku thandu diê; ima ioso iedi bhuí ifuafua kala dixi i jimuna o muanha i ki kuatese uoma.

Jouele 2:2

Kizuua kia kuvunda, kizuua kia dilamba; kizuua kia ifuke ni kitombe kiedi ni kiene bui, mukuâ ni mukengeji ua kimene ki u di muangena ku milundu, kiene ue ki di sanha o kifuẋi kia mundu ua dikota kia nguzu, kia bhingi kuila tundé ku xahulu kiluua ki kala-ku, o ku pholo ue, ku mivu ia-nda kuiza-ku, ki kià kala-ku dingi, kutunda muiji kuiza muiji.

Amoji 5:18

Kokolo dia ió oso a mu kuinda kumona o kizuua kia Jihova! Kizuua kiki kia Jihova, enu mua ki mesenenaʼhi? Mukonda kia kà kala kizuua kia kitombe, ki kia mukengeji, kana.

Matesu 27:45

Kiki tunde ku mediia mu ola ia kasamanu, kʼoxi ioso ku kala usuku mu ola jitatu, katé mu ola ia kàvua.

Jipoxolo 27:20

Tua bhange muene izuua iavulu, o dikumbi ni jithethembua tua lémbua ku di mona; o kitembu kia dikota hanji kia jiji, o ku tua sukila, ni kudielela kuila tu bhuluka, kuene kuoso kua tu bhu.

Matendelelu 11:12

Oxi iii Jihova Nzambi ienu muene ua i tambula konda; mesu ma Jihova Nzambi ienu mene ku i kengelela mu thembu joso; tundé bhuandekela o muvu katé bhu ubhuila.

Dijingunuinu 16:10

Anju ia katanu anga u lundulula o nganza iê ku thanduʼa kiandu kia kiama. O utuminu uê anga u kala mua vundu, athu hé a kala mù di kokota o madimi mukonda dia misusu.