Jobe 2:4 - O Mikanda Ikola

⁴ Bheneʼobho Satana u vutuila Jihova, uixi: Muenhu uà touala, kuma kikonda mu kikonda, o muthu ioso iala na-iu u i bhana mu ku kula o muenhu uê.

Jobe 2:4 ပူးပေါင်းရင်းမြစ်များ

Dimatekenu 47:17

Anga eza ni ibhaku iâ kua Zuze; Zuze anga u a bhana kúdia mu ibhaku ia jikabalo, ni jimbudi, ni jihombo, ni jingombe, ni ji-jumento; ua a bhana kúdia mu ibhaku muvu uoso uenhó.

Dimatekenu 47:19

Tu fuila-hi-phe bhu mesuʼé, ni etu ni jixi jetu? Tu sumbe kiá ni etu ni jixi jetu mu kúdia, ni etu ni jixi jetu tu kale tu abhika a Falaó; tu bhane ue mbutu, tu laie, ki tu fue, o ixi ni i kituke ngundu ia hatu ngoho.

I Jisobha 20:31

Bene-hadade bhenhobho akua mbèle iê a mu ambela, exi: Talesa, ene mu ku tu tangela kuma jisobha ja dibhata dia Izalaiele akua henda; tu zuatienu-phe makuba mu mbunda, ni tu te mikolo mu xingu, phala tuie kua sobha ia Izalaiele, phala tu tale mba eie u ku bhaka ni muenhu ué.

Jobe 2:3

Jihova anga uambela Satana, uixi: Mubhikʼami Jobe ua mu mono? Mukonda mu ngongo kana-mu muthu ua di fu ni muene, muthu ua kidi ua iuka o muẋima, mukua uoma ua Nzambi, o ia ibha u i lenga. Sumbala eie ua ngi funhisa phala ku mu jikinisa sé kikuma, maji muene hanji a jijila kuiuka kuê.

Jobe 2:5

Sunununa ngó lukuaku lué, u mu kuate hanji mu ifuba ni mu misuínhi, u mone mba muene ka-nda ku ku ẋonguena muène bhu pholo ié!

Jisabhu 13:8

Kidikulu kia muenhu ua muthu, o jimbongo jê; ngadiama-phe, ua kambe kia ku di kula, tendʼê, lémbue.

Jelemiia 41:8

Maji mu kaxi kâ mua kexile kuinhi dia muthu ambela Ijimaiele, kuila: Etu ku tu jibhe; mukonda tuala ni jimbongo ji tua sueka ku makáu, ni tiliku, ni sevada, ni maji ni uiki. Muene ue kiene kia ehela, ka a jibha kala kia jibha o jiphange jâ.

Matesu 16:26

Muthu u bhanduluka-hi, se ua nganhala ngongo ioso, nʼa te-mu o muenhu uê? Inga muthu u bhanahi mu ta uenji ua muenhu uê?

Matesu 6:25

Kala kiki, ngi mi ambela: Kana kuvula hele ia muenhu uenu, mba mu dia-hi, mba mu nua-hi; né hanji o mukutu uenu mba mu zuata-hi. Kífua ni muenhu ni kúdia, muenhu ki kota? Ni mukutu ni izuatu, manhi mukutu ki kota?

Luka 12:23

Kuma o muenhu kota, kùdia ndenge; o mukutu kota, kuzuata ndenge.

Josuué 9:24

Ene-phe a kumbulula Josuué, exi: Etu, o kia tu bhangesa kiki, uoma ua kúfua, mbata kutanga o kidi, tuevu a tu kundu-kiu muene kuma o Jihova Nzambi ié ua tangela Mozé, selevende iê, kuila oxi ioso iii hinu u mi bhana-iu enu, o mundu uoso ua tunga-mu u u jikinisa; tuexi-phe, etu tuafu-ó.