Jobe 1:9 - O Mikanda Ikola

⁹ Satana anga u vutuila Jihova uixi: Manhi, o Jobe Nzambi ua mu mu xila mu kingoho?

Jobe 1:9 ပူးပေါင်းရင်းမြစ်များ

Matesu 16:26

Muthu u bhanduluka-hi, se ua nganhala ngongo ioso, nʼa te-mu o muenhu uê? Inga muthu u bhanahi mu ta uenji ua muenhu uê?

I Timote 6:6

Kuma kia kidi kiene, o kuxila Nzambi-phe ni kutululuka kuê, nganhu muene ia dikota, kabasa muthu ua tena kusanguluka ni kioso kiala na-kiu.

I Timote 4:8

Mukonda o kudilonga nguzu ia mukutu, kubhanduluka kuê sai maji ki kua kidi; o kuxila Nzambi-phe, kubhanduluka kuê sai mu ima ioso; mukonda ku dielelesa ni ku muenhu iú ua kindala, ni ku muenhu ua kèza-ku.

Jobe 2:10

Maji muene u mu vutuila, uixi: Kala ki zuela dilaji dioso-dioso, kiene ki ua mu zuela eie; mbé tu tambula ngó jimbote kua Nzambi o ia ibha kana? Mu ima ioso ienhiʼii Jobe ka tela-mu kituxi ni mizumbu iê.

Jobe 1:21

Uamba, uixi: Ngeza ni tuẋi mu mala dia mamʼetu, hádia ue nga kà vutuka ni tuẋi kuenhoko; Ngana ua bhele, Ngana ua tambula; dijina dia Ngana a kale mu ku di ximana jinga!

Malakiia 1:10

Tamano mudienu mua kexile muthu u jika mabhitu phala ki mu uike túbhia tua kalatódio kami mu kingoho. Kuma Jihova dia Ifuẋi uixi kiki: Enu ki mua ngi uabhela dingi; ki ngi xikina kutambula jisata ji tunda bhu maku menu.

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.

Jobe 1:10

Manhi eie ku mu izalesa ni jimbote, ni muene ni dibhata diê dioso ni ioso iala na-iu? O kikalakalu kia maku mê eie ua ki zediuisa, o ibhaku iê ia sokoloka mu ngongo.