Jobe 1:3 - O Mikanda Ikola

³ O ibhaku, ua vuile sambuadi dia midi ia jimbudi, midi jitatu ja jikamelu, hama jitanu ja makaza a jingombe ni hama jitanu ja jibulu ja akaji; akalakadi ku bhata a kexile ndumba ku thonga iê; mukonda dia kiki, muene iu ua betele kota ku unéne ene oso ku thunda ndenge.

Jobe 1:3 ပူးပေါင်းရင်းမြစ်များ

Dimatekenu 12:16

Muene anga u bhanga mbote kua Mbalamu mukonda dia muhatu; anga Mbalamu u kala ni jimbudi, ni jingombe, ni jibulu ja jindumbe, ni abhika a mala ni a ahatu, ni jibulu ja akaji, ni jikamelu.

Dimatekenu 12:5

Mbalamu anga u katula mukajiʼê Salai, ni Lote monʼa phangʼiê ia diala, ni jimbongo jâ joso ja bhongolola, ni athu a muenhu a di bande-nâ bhu Halane; anga a katuka mu kuia kʼoxi ia Kanana ende muene katé kia bhiẋila mʼoxi ia Kanana.

Dimatekenu 13:6

Ixi-phe ki ia soko kuila a tungila bhuamoxi, kuma ibhaku iâ iavulu, katé o kutunga bhuamoxi ki ku ẋikina.

Dimatekenu 24:35

O Jihova-phe ngana iami ua mu zediuisa kiavulu muene, kia mu bhekela kukala ni kijingo kia dikota; ua mu bhana ni ibhanga ia jimbudi ni ia jingombe, ni phalata ni ulu, ni abhika a mala ni a ahatu, ni jikamelu.

Dimatekenu 25:6

Maji anʼa akâma-phe, a kexe-nâ Mbalahamu, Mbalahamu ua a bhana maujitu kioso muene kiala hanji ku muenhu, u a tuma ku leste, a di sandule ni monʼê Izake, a kala mʼoxi ia mutundila-kumbi.

Dimatekenu 29:1

Jakobo anga u kuata makanda mu njila, katé ki bhiẋila mʼoxi ia ana a mutundidla-kumbi.

Dimatekenu 32:14

u kuata hama jiiadi ja jimama ja hombo, ni makuinhi aiadi a isutu, ni hama jiiadi ja jimama ja jimbudi, ni makuinhi aiadi a ilumbe.

Dimatekenu 34:23

Manhi o jingombe jâ joso, ni jimbongo, ni ibhaku iâ ioso, ki ia-nda ku kala ietu? Tu a ẋikinienu, phala tu tunge-nâ kumoxi.

II Samuuele 12:2

Mvuamʼiii u kala ni ilunga iê iavulu ia ibhaku ia jimbudi ni jingombe;

I Jisobha 4:30

O kuijiia kua Solomá anga kutunda o kuijiia kua athu oso akexile mu thunda, o kuijiia kuoso kua akua Ijitu, ndenge.

II Jisobha 15:20

Phala kumona o kitadi kioso kienʼiki, Menaheme ua ki tambula mua Izalaiele, ku jimoni joso ni ilamba, muthu u bhana makuinhi a tanu a xikulu ja phalata, muthu makuinhi a tenu a xikulu ja phalata, iú ua ki bhana kua sobha ia Asídia. Kieneʼokio o sobha ia Asídia ka tenene dingi kuxikama mu ixi, maji ua vutukile kiá kʼoxi iê.

II Jisobha 3:4

Kieneʼokio Meza, sobha ia akua Mouabhi, ua kexile muvi a ibhaku, ua kexile mu kufuta hamʼa midi ia tumbudi ni hama ia ilumbe kumoxi ni kindemba kiê, kua sobha ia Izalaiele.

I Malunda 27:30

O ku jikamelu, a mu tele-ku Obili, mukua Ijimaiele. O ku jibulu ja akaji, Jediia, mukua Melonote.

II Malunda 26:10

Ua tungile ue jinzu ja matala mu kikangalakata anga u kandesa-mu ndunga ja vulu; kuma ua kexile ni ibhaku ia vulu, kutale mu makôlo uixi mu manhana; o idimakaji ni akuni a mivide ua a uanena mu milundu ni mu mikáu ia uabha o kudima; mukonda muene ua uabhelele o kudima.

II Malunda 32:29

Ua tungu ue jimbonge, anga u vua jimbudi ni jingombe ja ndumba, mukonda, Nzambi ua mu bhele kukala ni soua ia vulu.

Jobe 1:10

Manhi eie ku mu izalesa ni jimbote, ni muene ni dibhata diê dioso ni ioso iala na-iu? O kikalakalu kia maku mê eie ua ki zediuisa, o ibhaku iê ia sokoloka mu ngongo.

Jobe 1:4

Anʼê anga a kuata kuila: Lelu aia mʼonzo ia iú, o mungu aia mʼonzo ia iuná, mu kubhanga fesa, kala muthu mu kizuua kiê, anga aia ni kuambela phange jâ ja ahetu kitatu, kuiza mu kúdia ni kúnua-nâ kumoxi.

Jobe 21:28

Mbata mua-nda kuila, muexi: Inzu ia kilamba ii kuebhi? Dibhata diala kuebhi mua tungile mukua phulu?

Jobe 29:25

Njila iâ, eme-muène nga kexile mu ku i sola, ngi xikama kala ngi kilolo kiâ, anga ngi tunga mukua ni sobha mu kaẋi ka ilômbo ia masoladi mâ, mukua ni muthu u konda malamba ku iá akua ku ta jingololo ni kudila.

Jobe 31:25

mba eme nga sanguluka mukonda dia kuvula kua jimbongo jami, ni mu kuila o lukuaku luami lua bhongolola kia vulu;

Jobe 31:37

O uendelu uami ngeji ku mu londekesa-u o konda iê, mu ku bhiẋila kua muene ngeji kuia muene kala ngi kilamba.

Jobe 42:10

Jihova anga u lungulula kikexilu kia Jobe, kioso muene kia mu sambela hanji o makamba mê; Ngana anga u mu bhana mu luiadi ima ioso ia kexile na-iu kiá ku diamtekenu.

Jobe 42:12

Kienhiki, Ngana ua beta kuzediuisa kikexilu kia Jobe kia sukidila, o kia dianga ndenge; mukonda ua kexile ni kuinhi dia midi ni kiuana ia jimbudi, ni midi jisamanu ja jikamelu, ni midi ia makaza a jingombe, ni midi ia jibulu ja akaji.

Jisabhu 10:22

Dibesá dia Ngana diene di muesa jimbongo; o umvuama u tunda kua muene ki u bheka dilamba.

Jelemiia 49:28

Kialulukila Kedale ni kia bilukila mautuminu ma Hazole, a buikisa Nabukodonozolo, sobha ia Babilonha, Jihova uambe kiki: Balumukenu mu bande mu kuzoka ni Kedale; ana oso a tokala ku Thunda buikisenu na-u.

Dialuilu 23:7

Anga u kuata kifika kiê, uixi: Balake dia sobha ia Mouabhe ua ngi takana ku Alame, Mouabhe ua ngi kolomona muene ku milundu ia thunda, uixi: Zá u ngi bhubhidile Jakobo, uta muene mázui kua Izalaiele.

Afundixi 6:3

Anga a kala mu kuila, Izalaiele kia zubha kudima ni kukuna, akua Midiiana eza, ni akua Amaleke, ni ana amukuá ku thunda-mbulu, eza mu ku a sota;

Afundixi 6:5

Kuma eza jinga ni ibhaku iâ, ni jibalaka jâ; eza mukuâ ni kihoho mu kuvula; ni ene ni jikamelu jâ mu lémbua ku a kuata konda; anga a di zala mʼoxi ioso mu ku i buidisa.

Afundixi 7:12

Akua Midiiana bhenhobho, ni akua Amaleke, ni ana a mukuá mu thunda-mbulu, a di zale mu honga kala kihoho mu kuvula, ni jikamelu jâ u lémbua ku ji tanga, mukuâ ni kisekele bhu ndundu ia kalunga mu kuvula.

Afundixi 8:10

Kienhokio-phe Zeba ni Zalumuna a bhixila bhu Kadikodi, ni ifuẋi iâ iala kuenda na-iu kumoxi, kuinhi dia midi ni midi jitanu ja mala, ene ngó a subhuka-ku ku kifuẋi kia anʼa thunda-mbulu-uanga-ua-kisongo. Mukonda kuafu kiá hama ni makuinhi aiadi a midi ia mala, oso a tena kufomona xibhata ia kubhanga.

I Samuuele 25:2

Anga bhu kala muthu ua tungu ku Maone, maji ibhaku iê ia mu kala mu Karmelo; muenhú muadiakimi muene, mukua itadi iavulu, u kala ni midi jitatu ja jimbudi, ni midi ia jihombo. Thembu ienhoio anga u kala mu bhuta jimbudi jé ku Kalamelu.

I Samuuele 27:9

Davidi anga uia ni ku beta ixi ioso ienhoio, ka xi-mu né diiala né muhatu, anga u ambata jimbudi, ni jingombe, ni jibûlu, ni jikamelo, ni izuatu, anga u vutuka, u tula na-iu kua Akiji.