Jisálamu 99:7 - O Mikanda Ikola

⁷ U a zuelesa jinga mu mufumbeji ua dituta, kioso ene kia kuata jinga o ijila iê ni ngonge ia a bhana.

Jisálamu 99:7 ပူးပေါင်းရင်းမြစ်များ

Jisálamu 105:28

Ua tumikisa-ku kitombe, ixi anga i bokona mua vundu; maji ene ka xikina kuívua-phe o kizuelu kiê.

Makatukilu 19:9

Jihova anga u ambela Mozé, uixi: Eme nga-nda kuiza kokué; ngi ku tulukila mu dituta dia kitombe, phala o mundu a dʼivile kioso ki ngi ku zuelesa, phala eie ue a ku xikane katé ku hádia ni hádia. Kuma Mozé ua tangela Ngana kioso kia vutula o mundu ue.

Makatukilu 33:9

Mozé-phe kia zubha kubokona mu balaka, philadi ia dituta i tuluka, imana bhu muelu ua balaka; Jihova anga u kuata kuzuela ni Mozé.

Makatukilu 40:16

Mozé anga u ki bhanga; kioso kia mu tumu Jihova, kiene kia bhange.

Jisabhu 28:9

Uoso o mátui mê u ma landukisa, nguaiê kubatekela mu kuividila o ngonge, katé ngó ni musambu uê, u kituka kisunji kiaiibha kua Ngana!

Dialuilu 12:5

Jihova anga u tulukila mu philadi ia dituta, uimana bhu muelu ua balaka, anga uixana Alá ni Midiiana, anga a bhiẋila, emana, kiiadi kiâ.

Dialuilu 16:15

Kienhókio Mozé o njinda i mu kuata kiavulu, anga uambela Jihova, uixi; Kana kusuua ku ujitu uâ; eme né ngó bulu imoxi ki ngi i tambula kokuâ, mba nga bhange kiaiibha ku muthu mudiâ.

Matendelelu 33:9

Muene o muthu kejiia tatâ mba mamâ; utanga uixi, kiluua ngʼa mona; kejiia jiphange, né mbé utongolola ana; ene-phe o maka mé a ma lundu, o kikutu kié a ki aiuka.

Matendelelu 4:5

Mua mono-ze kuila nga mi longesa o jingonge ni mabatuilu, kala kioso kia ngi lekelela Jihova Nzambi iami; kiene-phe kiá ki mu enda jinga ni kubhanga mu ixi i mua-nda kubhingana.

Jihebeleu 3:2

Mukonda muène ua kexile fiiele kua Nzambi, ua mu solo phala kikalakalu kiki, uila Mozé kia kexile fiiele mu kikalakalu kia dibhata dioso dia Nzambi.