Jisálamu 98:9 - O Mikanda Ikola

⁹ Bhu pholo ia Jihova, kuma iú iza, mu fundisa o ngongo; u fundisa mundu ni kidi, u batuila o ifuẋi ni kutetuluka.

Jisálamu 98:9 ပူးပေါင်းရင်းမြစ်များ

Jisálamu 67:4

Akua jixi joso a tane, a ku imbile ni ngalasa; kuma eie Ngana, hinu u fúndisa o ifuẋi ioso mu kidi kié, hé u tumina o jixi joso mu ngongo. (Selah.)

Jisálamu 7:9

Mukua phulu, Ngana, mu lembuese o phulu iê; maji mukua kidi-phe mu kuatese bhu kididi, a tunge a some; mukonda eie u Nzambi ia kidi, u mukua kutungula o ilunji ni mixima.

Jisálamu 72:2

Phala muene a fundise o mundu ué ni utuminu ua kidi, a batule kiambote o milonga ia jingadiama.

Jisálamu 9:9

Jihova muene o mbonge ia matala, mu lengela ió oso a a tatesa; muene kididi kiakondama mu thembu ia jiphaxi.

Jisálamu 96:10

Tangenu-kiu ku matumbu muixi: Jihova ua hinge ungana uê. Muene ixi ua i kuatesa bhu kididi, ka tena ku i sendumuna; hádia muene u fundisa o mundu mu uiukilu uê.

Jisálamu 96:13

Bhu pholo ia Jihova, kuma iú iza, iú iza mu fundisa o ngongo; u fundisa o athu mu ngongo ni kuiuka, u tetuluila o mundu ni kidi kiê.

Izaía 5:16

Maji o Jihova dia Ilômbo Ieta, mu kufundisa kuê, muene u tambula fuma; Nzambi, Ukôla, ua-nda ku di-tungula muene mu kulunga kuê.

Jipoxolo 17:31

Mukonda ua xindi kiá kizuua kia kufundisa mundu uoso mu kidi, kua muthu uê ua mu tungula. Nzambi-iú ua tumu ku kʼ ijidisa kua ene oso mu ku mu fukununa ku ʼalunga.

Jipoxolo 24:25

Maji kioso Phaulu kia kala mu kulombolola kioso ki kala o kuiuka, ki kala o kutolola jihanji, ki kala o kufundisa kua hádia, Fele ua teketa, iú ua kumbulula, uixi: Kindala ndeie hanji. Hinu ki ngi kala ni thembu, ngi ku ixana dingi.

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!