7 Kalunga ka zume, ni mabhuku mê moso; mikáu ia kanga i di kole, ni athu oso a tungu momo.
Ixi iangene ia Jihova ni jimbongo mu ngongo jê; mua mu tokala muene ni mundu uoso ua tungu-mu.
Diulu di tane-ku, mu ngongo mu sanguluke! Kalunga ka dikole ni mabhuku mê moso!
Imbenu, mu maúlu, eie ue u ixi, sanguluka; enu mu milundu tenu nzôngo ia kutana, kuma Jihova lelu ua tululula o povo iê, jihukunhu jê ua ji lendukila.
Mbata mukuâ ni kikala o mavu a sabhukisa o ngolôngo iê, kala ue o honga ki i fuafuesa ioso ia kuna-mu, kiene ue Ngana Nzambi kia-nda kusabhukisa o kuiuka ni diximanu phala o mbutu ioso ia athu.