Kienhiki Izalaiele ioso anga a bandesa o álaka ia kikutu kia Jihova, ni kusanguluka kuoso, ni dízui dia jikoloneta, ni kuxika jimbungu ni jingoma ni isàka, mázui a mingeia ni tukoxi.
Anga Ezekiia u a ambela kubhana o sata ia kubhakula ni túbhia kua Jihova ku thandu dia kalatódio. O kiene ngó kia mateka o kusatela, a mateka ue ni muimbu ua Jihova, ni jikoloneta ni ima dingi ia kuxikila o mimbu, ia Davidi, sobha ia Izalaiele.
Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.