Jisálamu 98:4 - O Mikanda Ikola

⁴ Dikodienu kua Jihova ni kusanguluka, enu oso mua tungu mu ngongo; tenu nzongo, sangulukenu, xikenu mujika.

Jisálamu 98:4 ပူးပေါင်းရင်းမြစ်များ

Jisálamu 100:1

Tumbujukenu ni ngalasa kua Jihova, enu oso mua tungu mu ngongo.

Jisálamu 66:1

Kolenu, mu kuximana Nzambi, enu mu jixi joso;

Jisálamu 66:4

Jixi joso ji kala mu ku ku bheza eie, ni ku ku imbila; ji kala mu kuimbila o dijina dié. (Selah.)

Jisálamu 67:4

Akua jixi joso a tane, a ku imbile ni ngalasa; kuma eie Ngana, hinu u fúndisa o ifuẋi ioso mu kidi kié, hé u tumina o jixi joso mu ngongo. (Selah.)

Jisálamu 71:22

Bhabha eme ue, ngi kuata ku ku ximana jinga ni kakoxi, mbebhu o kidi kié, u Nzambi iami; ngi ku imbila jinga o mimbu ni mbànza, u Muthu Ukôla, Uangene ua Izalaiele.

Jisálamu 95:1

Ndokuenu, tu imbidienu Jihova ni kutana; tu dikodienu ni ngalasa bhu ditadi dietu dia kubhulukila.

Jisálamu 95:2

Tu bhixila bhu pholo iê ni kusakidila; tu mu kola ni kuimba jisálamu.

Izaía 12:6

Eie ua tunga mu Ziione, imba ni kutana, sanguluka, mbata Dilemba dia Izalaiele, uene momuè, Ukôla.

Izaía 42:11

Iphenza ioso ni madiembu mê Zangulenu dízui, ni tusanzala tuoso tua Kedale; oso a tunga ku matadi ele muene bulukutu ni ngalasa; nzôngo iâ a i tele muene ku thala-a-milundu.

Izaía 44:23

Enu, maúlu, imbenu ni ngalasa, mbata Jihova muene ua bhange kiki; tanenu-ku, enu mu ididi ia boloka, enu mu milundu te-nu nzongo ia kusanguluka; nʼenu ue mu mixitu, ni mixi ioso iene-mu; mbata Jihova ua kula Jakobo iú ua tambula fuma mu Izalaiele.

Jelemiia 33:11

Hanji a-nda kuívua-mu o mbimbi ia kukemba, ni mbimbi ia kusanguluka; mbimbi ia ngaiala, ni mbimbi ia dibhanga; ni mbimbi ia iá a mu tanga, exi: Ximanenu Jihova dia Ifuẋi, kuma Jihova mukua mbote, mukonda o kulenduka kuê ki kuene kúbhua; ni mbimbi ia iá a mu kuiza mu ku bheka diximanu monzo ia Jihova; mbata o kikexilu kia ixi nga-nda ku ki lungulula uila ku dimatekenu, kiene kia tange Jihova.

Sofoniia 3:14

Sanguluka ni kuimba, eie monʼa Ziione, tumbujuka ni ngalasa eie Izalaiele, tana-ku u ximane ni muẋima uoso eie u monʼa kilumba mu Jeluzaleme.

Matesu 21:9

O mundu iú ua tuamenena, ni iú ua mu kaiela, anga a dikola, exi: Hozana Monʼa Davidi! A tane-ku ueza mu dijina dia Ngana! Hozana ku Diulu!

Dijingunuinu 19:1

Kia bhiti o imʼiii, ngevu kala dízui dia mundu ua dikota mu diulu, exi: Ximanenu Nzambi! O kubhuluka, ni kufumana, ni kutena, kua ngene kua Nzambi ietu!

Dijingunuinu 19:6

Kienhókio anga ngʼívua kala dízui dia mundu ua dikota, mba kala dízui dia dibhubha dia menha, mba kala dízui dia kinuminu kia suina kia nzaji, dixi: Ximanenu Nzambi! Mukonda o Ngana, Nzambi ietu, Muteni-a-Ioso, muène Sobha.