Jisálamu 98:3 - O Mikanda Ikola

³ Ua xinganeka o henda iê ni kidi kiê, mu kutambula konda ia dibhata dia Izalaiele; katé ku maẋokololo a jixi, uzonda ua Nzambi ietu a u mono.

Jisálamu 98:3 ပူးပေါင်းရင်းမြစ်များ

Jisálamu 106:45

U xinganeka o kikutu kiê, hé u diela mukonda dia jihenda jê javulu.

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 67:7

Xi, Nzambi u tu bhana muene dibesá; mbé ene oso, katé ku maẋokololo, a mu kale ni uoma.

Jisálamu 98:2

Jihova uedikiza ubhulukilu uê; o kukumbidila kuê, kua di monekena ku mesu a akua jixi joso.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Izaía 52:7

Inama iê kuuabha kuahi, ku milundu kuná, ia ió ueza kutula njimbu ia kubhanduluka, ni kuivisa kioso ki bhulukisa muthu; ueza kuambela Ziione kuila: Nzambi ié muene uala ku ungana!

Ijila 26:42

Eme-phe ue nga kà vutula dingi o thulu, ku kikutu ki nga tele ni Jakobo, ni kiná ki nga tele ni Izake, ni ku kikutu ki nga tele ni Mbalahamu, bhenhobho nga kà lembalala ue oxi.

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Luka 1:72

uambe kulondekesa o henda ku jitata jetu, ni kulembalala o kikutu kiê kia ngene.

Luka 3:6

Xitu ioso anga i mona o kubhuluka kua Nzambi.

Jipoxolo 13:47

Kuma kiene kia tu tumu Ngana, uixi: Eme nga ku xikika mu kukala u mukengeji ua akua matumbu, eie ua ka bheke mu ngongo ioso o kubhuluka, katé ku maẋokololo.

Jipoxolo 28:28

O mu kuzubha Phaulu, uixi: Ijiienu na-kiu-phe kuma, o kubhuluka kueniʼ uku Nzambi ua ku tumikisa ku matumbu, ió ki Jijudé, ene-phe anda kuivua. [

Loma 10:12

O kia tangʼ iki, phala ene-oso, mukonda kana-ku katungu mu Judé, ni ió ki Judé. Nzambi muene kuma Ngana imoxi, Ngana ia ene-oso; muène mubhani a nzungule kua ió oso a di kola kua muène.

Loma 10:18

Maji eme ngixi-phe: Kifua ene a kambele kuivua o ngolokela? Evidiâ muene. Kala kiambe o Mikanda Ikôla, iexi: O dizui diâ a dʼ ivu mu ngongo ioso, o maka mâ ma bhixila katé ku maẋokololo ma ʼxi.

Matendelelu 4:31

Mukonda Jihova Nzambi ié, Nzambi uejidila kukuatela henda; ka kuehelela mba u ku buikisa; né ngó ue kuẋikina kujimba o kikutu kia lokela ku jitata jé.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.