Jisálamu 98:1 - O Mikanda Ikola

¹ Imbilenu Jihova muimbu uobhe; kuma Muene ua bhange madiuanu; lukuaku luê lukôla, luene lua lende o jinguma.

Jisálamu 98:1 ပူးပေါင်းရင်းမြစ်များ

Dimatekenu 3:15

Nga-nda kuta unguma bhu kaẋi ké eie ni muhatu, ni bhu kaẋi ka mbutu ié-eie ni mbutu iê-muène; muene ua kà ku bula o mutue, eie ua kà mu numata o kasende.

Jobe 40:9

Inga uala ni lukuaku kala Nzambi, mba u tena ue o ku numina ni dízui kala o diê-muène?

Jisálamu 105:5

Xinganekenu o madiuanu mê ma bhanga jinga; ni isuma iê, ni kuzuela kuê mu batula o milonga,

Jisálamu 136:4

U bhanga madiuanu, muene ubheka uê; kuma kulenduka kuê ki kuene kúbhua.

Jisálamu 139:14

Nga sakidila Ngana, kuma ki kôla ki ua ngi iudika, ki kuata uoma! Ikalakalu ié, Ngana, madiuanu! kia ngi tetulukila muene kiambote.

Jisálamu 149:1

Ximanenu Jihova, imbidienu Jihova o muimbu uobhe; mu ximanienu bhu kionge bhua bhongoloka athu ê angene.

Jisálamu 33:3

Mu tedienu mukumbi uê ua ubhe; xikenu uhete, mu tambuijile kiambote.

Jisálamu 72:18

Jihova Nzambi a tane-ku! muene Nzambi ia Izalaiele; muene ngó ubheka uê uene mu bhanga o madiuanu!

Jisálamu 77:14

Eie eie Nzambi ia kubhanga o madiuanu; ifuẋi ia athu ua idikiza o nguzu ié.

Jisálamu 86:10

Mukonda eie, Ngana, u kôla! U mukua kubhanga madiuanu! eie ngó ubheka ué u Nzambi!

Jisálamu 89:14

Ni kufundixa kua kidi ni kutetuluka kua ku fikidila o kiandu kié; ni kulenduka ni kidi a ku tuamenena kuoso-kuoso ku u di tela.

Jisálamu 96:1

Imbilenu Jihova muimbu uobhe; imbilenu Jihova enu mu jixi joso.

Jisálamu 96:3

Tumbulenu o fuma iê muʼaxaxi ka matumbu, o isuma iê tangenu-iu ku diembu dioso.

Makatukilu 15:11

Ku jinzambi nanhi muene u soka ni eie u Jihova? Mukuenu nanhi u kôla kiki mu kuzela ni kuiuka, kilamba ki kuata uoma, mukua kubhanga madiuanu?

Makatukilu 15:6

Lukuaku lué lua kúdia, eie u Jihova, luala ni nguzu ia fuma; lukuaku lué lua kúdia, u Jihova, lua muanganesa o nguma, muangatatá.

Izaía 12:5

Imbilenu Jihova, mbata ima ia bhange, ia matunda! Oxi ioso i tume ku kʼijiia.

Izaía 42:10

Imbilenu Jihova mukumbi uobhe, o diximanu diê diende muene ni ku tokomoka tundé kua suku oxi; teketenu enu ue mua mu kuendela ku thanduʼa kalunga mu jinaviiu ni ima ioso iene-mu, nʼenu ue mu ikolo ni oso a tunga-mu.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Izaía 59:16

O kia mono kana-ku muthu mukua kilunji, ua diuana-kiu kuila ki bhuala muthu ua di-tambulula ulemba; kienhiki lukuaku luê-muène lua mu bhekela ubhulukilu, kuiuka kua-muene kuene kua mu imika.

Izaía 63:5

O ki nga tale ku mukonda, u ngi banda ki nga mu mono; eme nga diuana kuila ki bhuala u ngi fikidila, kienhiki lukuaku luami luene lua ngi bhekela kubhuluka, o ngânji iami iene ia ngi fikidila.

Jelemiia 31:22

Ua kà suka bhebhi ni kubungana, ki ua ẋinukʼokio, monʼa kilumba? Kuma Jihova ua bhange kima kia ubhe mu ngongo Muhatu umoxi ua-nda ku ta iala dimoxi mu lukumbi.

Luka 1:49

Mukonda Muteniʼa ioso ua ngi bhange ima iònene; dijina diê di kôla!

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Jipoxolo 19:20

Uila kiki, o Maka ma Ngana, ma kala dingi mú sambuka ni kusuina, ma lenda ioso.

Jipoxolo 2:11

Ni akua Keleta, ni akua Alábia, etu ene oso tuevu mu madimi metu o ima ia makota ia Nzambi!

Kolose 2:15

O jinguzu ja maukota ni maungana ji fudisa mu nzumbi, Kristu ua ji tolola, ku dikulusu diê. O maukota ni maungana enhó a fudisa mu nzumbi, iú ua a bhake mu kanga ni ku a tadika ku jisonhi kioso kia kola o kikoue ku dikulusu dienhodio, ni ku a bhanga jihutile jê.

Dijingunuinu 14:3

O hâma ia midi ni makuinhi auana a midi ni midi jiuana, anga emana bhu pholo ia kiandu, ni bhu pholo ia iama iuana ia muenhu, ni ia ikulakaji, anga emba o muimbu uâ uobhe. O muimbu uenhó, kana muthu dingi u tena kudilonga-u, kikale ene ngó ió oso a a kula mu ngongo.

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.

Dijingunuinu 6:2

Ngedi ngi tala, kua moneka kabalu kazela. O ua mondala-ku ua kuata mufula, muène anga a mu bhana kitundu kia ungana. Hé u tunda ni uzonda ua kuia ni kùlua ni kutolola.