Jisálamu 97:7 - O Mikanda Ikola

⁷ Jisonhi ji kuata oso a bheza o mahamba maseta athu, oso a di fiiala o iteka; u kôla-ze iú, enu mu nzambi jengi; enu oso diundenu bhu pholo iê.

Jisálamu 97:7 ပူးပေါင်းရင်းမြစ်များ

II Malunda 3:13

O mabhabha a jixelube jenʼiji a zonga makuinhi aiadi a kóvadu kioso kia diʼoleka; anga a jʼimika, o jipholo ji talela kʼonzo.

Makatukilu 20:4

Kana ku di iudikila kiteka kiósonge, né kidifanganu kioso kia kima ki kala mu diulu ku thandu, mba mu ngongo bhoxi, mba mu menha kʼoxi a mavu.

Makatukilu 25:20

Jixelube jiji jʼòleka o mabhabha mâ bhulu, anga ji vungina o kibhuna kia kiadi ni mabhabha mâ, jene kiiadi kiâ ji di bhana jipholo; o jipholo jâ ji bhetamene-phe ku kibhuna kia kiadi.

Izaía 41:29

Kuma ene oso a di-bhange kingoho; o ikalakalu iâ, ki kima; o iteka iâ ia kuzunza mulenge uahatu, uene kima kia ngó.

Izaía 42:17

Oso-phe a dielela iteka ia kuseta, a-nda kuzuzuta ni jisonhi; ió ene mu ku ambela o iteka iozunze, exi: Enu mu jinzambi jetu.

Izaía 42:7

Phala u tonese o mesu a ifofo, ni ku jituna oso a a kuika, ni ku katula muʼaleia oso-a xikama mu kitombe.

Izaía 45:16

Ene-oso sonhi ja kà a kuata, kua kà eza muene kutandanganha; oso a iudika iteka a kà dibhalela kumoxi mu dilebhu.

Jelemiia 10:14

Muthu uoso-lolo ua di bhange kingoho, kejiia kima; azunzi oso sonhi ja a kuata kia tala o kiteka kiâ kia kuzunza; kuma o iteka iê ia kuzunza makutu ngó, momuʼâ kana-mu muenhu moxi.

Jelemiia 2:26

Kala ki tandanganha o muiii kuila a mu kuata, kiene ue ki tandanganha akua bhata dia Izalaiele; ni ene ni jisobha jâ, ni ilamba iê; ni jinganga jâ ni jipolofeta jê.

Ijila 26:1

Kana, ki mu di iudikile mahamba, ki mu dʼimikine iteka ia kusonga mba jipholela, o mʼoxi ienu ue ki mu xikike-mu fikula ia ditadi, phala kuenda ni ku i fukamena; mbata Eme-eme ngi Jihova Nzambi ienu.

Matendelelu 27:15

Lamba dia ió uoso u iudika kiteka, kia kusonga, mba kia kuzunza, kia di zemba na-kiu Jihova, ufunu ua hete, anga u ki tula bhu hota mu kasuekele. Mundu uoso-phe a kà tambuijila ni kuila: Amén!

Matendelelu 5:8

Kana ku di iudikila kiteka kia kusonga, né kidifua kioso-kioso kia kima ki kala mu diulu ku thandu, mba mu ngongo bhoxi, mba mu menha kʼoxi a mavu.

Jihebeleu 1:6

Kioso Nzambi kia tumikisa ue o Thungunu iê mu ngongo, uixi: O ji-anju joso ja Nzambi ji mu bheze.

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.

I Samuuele 5:3

Ki kúkia ni kimeme, akua Ajindode kia balumuka, a sanga Dangoni ua dibhale pholo bhoxi, bhu pholo ia álaka ia Jihova. Anga a bhetula Dangoni, a mu imika dingi bhu kididi kiê.