Jisálamu 97:10 - O Mikanda Ikola

¹⁰ Enu mua zolo Jihova, ituxi i mi ibhile; muene u bhaka o mienhu ia jifiiele jê; hé u a kudila bhu maku a kisuéia.

Jisálamu 97:10 ပူးပေါင်းရင်းမြစ်များ

Jisálamu 101:3

Ki ngi kala ni kima kia ufusa ku mesu mami; imbamba i bhanga ió adianguka, nguami na-iu! Né i sota ku ngi naminina, ngi i kukumuna.

Jisálamu 119:104

Mu ijila ié muene mu nga kuatela o kilunji; njila ja kujimbidisa eme nga di zembe na-ju.

Jisálamu 119:163

O kubhuma kua ngi iibhila, ku suke muene koko! maji o ngonge ié-phe nga i zolo muene.

Jisálamu 121:7

Jihova u ku xitila kuoso kuambe ku ku bhanga o phulu; muene u ku inga o muenhu ué.

Jisálamu 125:3

Mukonda o mbasá iâ ia usuéia ki i tula ku kibatu kiangene kia athuʼê aiuka; kuiengesa kuila ni ió uaiuka imoxi u zenga o lukuaku mu bhanga kima kiaiibha.

Jisálamu 145:20

O Jihova u langa oso a mu zola; iá-phe a bhukumuka hádia u a buikisa.

Jisálamu 31:23

Jihova mu zodienu, enu oso mu athuʼê ósole; kuma Ngana u tambula konda ia jifiiele. Maji akua izala-phe u a bhesa kaxtiku kasoko.

Jisálamu 34:14

Ku phulu, tunde-ku, u bhange o mbote; sota o paze, ni ku i jijila.

Jisálamu 36:4

Bhu hama iê bhua zeka, u funha isunji; njila iê ia sola ki i uabha ngó, o kubhanga kiaiibha ka kueha.

Jisálamu 91:14

Mukonda ua ngi naminina ni henda, eme-phe, ngi mu kudila; ngi mu tudika ditala, ka mu tena, mukonda ua ngʼijiia o dijina.

Jisabhu 2:8

Phala kufikidila o jihoka ja ubatuilu uambote; o njila ia athu ê angene u i tambula konda.

Jisabhu 3:7

Ku di-mone unjimu ku mesu mé eʼmuene; ku phulu tunda-ku, u xile Jihova,

Jisabhu 8:13

Uoma ua Jihova, o kueha kia ibha; nga di zemba ni ukumbu, ni izala, ni uendelu uaiibha, ni dikanu dizuela isunji.

Izaía 45:17

Maji Izalaiele u bhulukila kua Jihova, ni ubhulukilu unangenena sé dizubhilu; o mu kienhiki katé ku hádia ni hádia sonhi ki ji tena ku mi kuata, ki mu tena kukakuka.

Jelemiia 15:21

Nga-nda ku ku nhangumuna bhu lukuaku lua isuéia, nganda—ku ku bhulula ue bhu lukuaku lua mazonda.

Daniiele 3:28

Nabukodonozolo bhenhobho uzuela, uixi: A tane-ku Nzambi ia Sadalake, ni Mizake, ni Abede-neko, ua tumu anjo iê iú uakudila jiselevende jê, a mu dielela, mbata o ngonge ia sobha a i bulu muene, iá a bhakula o mikutu iâ, mu kuiengesa kubheza jinzambi jengi, kikale ngó o Nzambi iâ.

Daniiele 6:22

Nzambi iami uatumina anjo iê, iú uajika o makanu ma jihoje, phala ki ji ngi kuame mukonda bhu pholo iê ka ngi sange ni kikuma; né-mbe ko kuê, sobha, eme ki nga ku te kituxi kia kima.

Daniiele 6:27

Muene ukudila, u bhulula! u bhanga isunji ni madiuanu ni bhulu ni bhoxi! Muene ngó, ua kudila Daniiele ku uhamenu ua nguzu ia jihoje.

Amoji 5:14

Sotenu-phe o mbote, kana kusota ima ia ibha phala mu laie; o mu kienhiki, Jihova Nzambi ia Ilômbo Ieta, u kala ni enu kala ki mua mu ki tanga enuʼenu.

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

Loma 12:9

O henda ki i kale ia kádia. Iaiibha mu i lenga, iauabha mu i naminina.

Loma 7:15

Kuma ioso i ngi bhanga ki ngi ijiia, kuma íii i nga solo ki iene i ngene kubhanga. Inda o iii-phe i nga zembe, iene i nga mu bhanga.

Loma 7:24

Kokolo diami dia kuxixima kiki! Nanhi u ngi kudila ku mukutu iú ua mu ngi bheka mu kalunga.

I Kolindo 8:3

Maji muthu-phe se u zola Nzambi, ió a mu ijiia kuala muène.

II Tesalonika 3:2

Sambenu ue phala etu Nzambi a tu kudile ku athu a thathamana, akua phulu, kuma ene oso ka sokela-ku mu kuxikana.

Tiiaku 1:12

Ua zediua o muthu u kolokota mu lamba, anga u kala fiiele. Kuma kia zubha ku mu lola mu malamba enhó, ua kà tambula kitundu kia muenhu, kia tange Nagana kubhana oso a mu zola.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.

I Phetele 1:5

O mabesá enʼiâ phala enu oso mu kutena kua Nzambi, a mi lange mu kuxikana, ni mu kukinga o kubhulukʼ oko kua-ndù tukuluka mu kithangana kia kà suka-ku.

I Phetele 1:8

Sumbala Kristu muene kiluua mu mu mona, maji mua mu zola. Sumbala kiki ki mua mu mono, maji mua mu xikana. Kienʼ iki, enu mua sanguluka kiavulu ni ngalasa ki i ẋikina ku tanga, ngalasa iavulu o uuabhelu.

I Nzuá 4:19

Etu tu zola, mukonda Nzambi muène ua diangela ku tu zola.

I Nzuá 5:18

Tua kʼijiia kuma muthuu uoso uala monʼa Nzambi, ka xikina kuta ituxi, mukonda muthu uoso a mu vuala kua Nzambi, Monʼa Nzambi u mu langa, o Diabhu ió mukua kutondalesa ka tena ku mu kuata.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.