Jisálamu 96:7 - O Mikanda Ikola

⁷ Bhakulenu kua Jihova enu mu miji ia athu, bhakulenu kua Jihova o fuma ni nguzu.

Jisálamu 96:7 ပူးပေါင်းရင်းမြစ်များ

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Luka 2:14

Fuma i kale ia Nzambi mu diulu! O mu ngongo uembu mu ʼaxaxe kʼathu oso a mu uabhela!

I Phetele 5:11

O kutumina ku kale kua muène katé ku hádia ni hádia! Amén.

Dijingunuinu 14:7

Anga u tanga ni dízui dia suina, uixi: Nzambi mu kuatedienu uôma, mu ximanienu o unéne uê! Kuma o kumbi diê dia kufundisa athu oso dia bhixila! Mu bhezienu, ió ua bhanga o diulu, ni oxi, ni musanza ua kalunga ni jithu ji fuafua o menha!

Dijingunuinu 19:1

Kia bhiti o imʼiii, ngevu kala dízui dia mundu ua dikota mu diulu, exi: Ximanenu Nzambi! O kubhuluka, ni kufumana, ni kutena, kua ngene kua Nzambi ietu!

Dijingunuinu 19:6

Kienhókio anga ngʼívua kala dízui dia mundu ua dikota, mba kala dízui dia dibhubha dia menha, mba kala dízui dia kinuminu kia suina kia nzaji, dixi: Ximanenu Nzambi! Mukonda o Ngana, Nzambi ietu, Muteni-a-Ioso, muène Sobha.

Dijingunuinu 5:13

Kienhókio, ima ioso ia bhanga ni muenhu, iene mu diulu, ni mu ngongo, ni koxi a mavu, ni ku musanza ua kalunga, ima ioso kiá iene-ku, nga i ivu i kala mu kuimba, iexi: O diximanu, ni ujitu, ni ungana, ni utuminu, uangene ua ió ua xikama bhu kiandu, ni ua Kambudi, mu mivu ni mivu sè dizubhilu!

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.

Dijingunuinu 7:12

exi: Kidi muén! Amén! Ni diximanu, ni fuma, ni ungana, ni kuijiia, ni kisakidilu, ni ujitu, ni ukota, ni uzonda, uangene ua Nzambi ietu katé ku hádia ni hádia! Amén!