Jisálamu 95:8 - O Mikanda Ikola

⁸ kana dingi kukola o mixima ienu kala bhu Medibah, kala o kizuua kia Masah mu kikangalakata;

Jisálamu 95:8 ပူးပေါင်းရင်းမြစ်များ

Makatukilu 17:2

Bhenhobho o povo anga a di kuata ni Mozé, exi: Tu bhane menha, phala tu nue. Mozé anga u a ambela, uixi: Mua di kuatela-hi ni eme? Phala-hi mu bhumina Jihova?

Makatukilu 17:7

Kididi kienhokio anga u ki luka uixi: Masahe, a ki luka ue Medibah, mukonda dia mvunda ia anʼa Izalaiele, mukonda ue a bhumina Jihova, exi: O ki tualʼiki, tuila Jihova tuala-nê, inga kana?

Makatukilu 8:15

Falaó-phe kia mono kuila kuala hanji kunhoha, u kola dingi o muxima, ka ẋikina ku a evua; kiene kia tange Jihova, kiene.

Daniiele 5:20

Maji kioso kia mu nanuka muẋima uê, kilunji anga ki mu xixila ni ukumbu, a mu lundumuna bhu kiandu kia ungana uê, kijingo iá a mu tambula-kiu.

Dialuilu 14:11

Jihova anga u ambela Mozé, uixi: Mbambe bhebhi bhu suka kifuẋi kiki, ni ku ngi tènda? Katé bhebhi ni kukamba ku ngi xikana, ku thandu dia isuma ioso i nga kalakala muʼaxaxi kâ?

Dialuilu 14:22

mala enhá kia mono unene uami ni isuma i nga bhange mu Ijitu ni mu kikangalakata, maji a ngi bhumina lukuinhi luosʼulu, nguauâ kuívua dízui diami;

Dialuilu 14:27

Mbambe bhebhi bhu nga kà suka ni kuxididikila kilômbo kiki kiaiibha, a kuata ku ngi longolola? Ngevu kulongolola kua anʼa Izalaiele, kioso kiala ku ngi longolola eme.

Dialuilu 20:13

O iá ene o menha a Mediba, mukonda o anʼa Izalaiele a zoko ni Jihova; iú ua di monekena momuʼâ kuma Ukôla.

Jipoxolo 19:9

Maji amoxi-mu-phe a kola muẋima ni kuxibhaka, o Njila ia Ngana a kala mu ku i tobhesa bhu pholo ia mundu. Phaulu-phe ua di batuka-nâ, anga u di kalela, hé uambata kumoxi-nê o jixibulu jala jikidistá. Anga izuua ioso u kala mu jingununa o Maka mu xikola ia Tilanu.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

Matendelelu 6:16

O Jihova Nzambi ienu kana ku mu lokalala, kala ki mua mu lokalela bhu Masá.

Jihebeleu 12:25

Uila kiki, di langienu, ki mu ditune kuivua ió uoso u zuela. Kuma enió a ditunine kuivua uoso ua tudilile o Njimbu ia Ngana mu ngongo, kà tenene kubhuluka. Kala kiki, etu uetu tua kà bhulukila bhebhi, se tua mu bhana dikunda uoso ua tu dimuna ku diulu!

Jihebeleu 3:13

Di suinisienu-phe mudienu izuua ioso, kioso o kizuelu kia kuila lelu, ki ambe o Mikanda Ikôla, hanji kia tu tokala etu. Bhangenu kienʼ iki phala kana muthu a mu bhomba kuala o ituxi nʼ a kole muẋima.

Juda 1:5

Nga bhindamena ku mi lembalesa kuila, sumbala ima ioso mua ijiia ukulu, kuma Ngana kia bhuluile o mundu uê mʼ oxi ia Ijitu, o ku pholo ku eza kunu ua a buikisa, oso a kambele o kuxikana.

I Samuuele 6:6

Mu kolela-hi muxima kala kia kolele muxima ua akua Ijitu ni Falaó a kolesele muxima uâ? Muene Nzambi ia Izalaiele, kia bhangele isunji ni madiuanu muʼaxaxi kâ, manhi o mundu uê ka ehele nʼaiá?