Jisálamu 94:15 - O Mikanda Ikola

¹⁵ Aiukila mu njila kidi a ki sanga ku pholo; oso emana mixima nzanza, hinu a lungʼâ muene.

Jisálamu 94:15 ပူးပေါင်းရင်းမြစ်များ

Jobe 17:9

Hanji-phe, o ua iuka ua kʼènda o njila iê ni kúbhua uoma, o ua zele maku uia ni ku di bandekeza jinga mu nguzu.

Jobe 35:14

Né-mbe eie uila, uixi: Ki ngala ku mu mona, hanji-phe, mulonga ué uala bhu pholo iê muène; uila kiki, kinga kua muene.

Jisálamu 37:34

Kinga kua Jihova, u kuate njila iê; muene u ku zangeleka kulundula ixi; kizuua ki batuka ió abhukumuka, eie u ki mona mesu.

Jisálamu 58:11

Bhenhobho athu a kèla, kuma: Kidi muene, sai dilau dia xikamena muthu uaiuka. Mbé kidi muene, sai-ku Nzambi mukua kubatula o milonga mu ngongo.

Jisálamu 9:16

Jihova ua di monekena mu kaxtiku ka a bhesa; mukua phulu ua mu kuata mu ima ia bhange muene ni maku mê. (Hakione, Selah.)

Jisálamu 97:2

Ni matuta ni kitombe a mu bhaka mu kaẋi; kiandu kiê kia di fikidila mu kubatula mu kidi ni kukumbidila.

Izaía 42:3

Dithethele dia bukuka muene ka di sasujula, o muanga u xongota ka kà u jima; maji mu kidi, muene ua kèza ni ufundisilu ua iuka.

Mikeia 7:9

Kia kà ngi bazela Ngana, nga kà dixibha muene, mukonda nga te kituxi kua muene. Mulonga uami kuila ua u fundisa kiá, muene nʼangi xindila kioso kia ngi tokala, ua kà ngi bheka kua zele, eme anga nga kà mona o kufundisa kuê kua kidi.

Malakiia 3:18

Bhenhobho bhene bhu mua kà mona dingi o katungu ka muthu uaiuka, ni mukua ituxi ua bhukumuka; ni bhu kaxi ka ió ubheza Nzambi, ni iú ua ditunu ku mu bheza.

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.