Jisálamu 92:1 - O Mikanda Ikola

¹ Kima kiambote o kusakidila jinga Jihova, kuimba muene ni kuximana o dijina dié, u Suke-ku.

Jisálamu 92:1 ပူးပေါင်းရင်းမြစ်များ

Jisálamu 107:1

Ximanenu Jihova, o mbote iê iene mu bhanga; mukonda o jihenda jê ki jene kúbhua.

Jisálamu 107:15

Tamano-phe a ximana jinga Jihova, ni kuxinganeka jimbote jê, ni madiuanu oso ene mù bhanga ku anʼathu mu ngongo!

Jisálamu 107:8

Tamano-phe a ximana jinga Jihova, ni kuxinganeka jimbote jê, ni madiuanu oso ene mù bhanga ku anʼathu mu ngongo!

Jisálamu 135:3

Ximanenu Jihova, kuma muene muthu uambote; imbenu diximanu dia dijina diê, kuma kima kiaiuka.

Jisálamu 147:1

Ximanenu Jihova! kima kiambote o kuimba mù ximana Nzambi ietu; kiki-phe kia touala, kia fuama muene o kuximana.

Jisálamu 33:1

Sangulukenu kua Jihova, enu athu aiuka; kuma kuximana kua fuama oso emana mixima nzanza.

Jisálamu 50:23

Uoso u ngi satela sata ia kusakidila, muene muthu ua ngi bhange ujitu; uoso ue u iukisa uendelu uê, muene ngi mu idikiza o ubhulukilu ua Nzambi.

Jisálamu 52:9

Izuua ioso ngi ku sakidila jinga eie, ngi dielela jinga mu dijina dié, kuma dijina didi diambote bhu pholo ia athuʼé angene.

Jisálamu 54:6

Eme-phe ngi ku satela sata ku vondadi iami muene; ngi ximana jinga dijina dié, u Jihova, kuma dijina diambote.

Jisálamu 73:28

Eme-phe kia ngi uabhela o kuzukama kua Nzambi; nga solo Ngana Nzambi, muene u kala kibúta kiami, phala ngende jinge ni kutumbula o ikalakalu ié ioso.

Jisálamu 82:6

Nga ki ambe, ngixi: Enu mu jinzambi, enu oso mu anʼa Suke-ku.

Jisálamu 92:8

Eie-phe, u Jihova, ditala diengi di uemana, kuma eie-muène Suke-ku katé ku hádia ni hádia!

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Daniiele 5:18

Kaxi eie, u sobha, Nzambi Sukeku, uabhele tatʼenu Nabukodonozolo o utuminu, ni ulâmba, hi kijingo ni kizunda.

Efezo 5:19

Mu kale mu ku di kunda mudienu ni jisalamu, ni mikumbi ia nzumbi. Muila ni kuimbila Ngana mimbu ni jisalamu ni muẋima ua ku mu sakidila.

Jihebeleu 13:15

Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.

Jihebeleu 4:9

Uila kiki-phe, hanji kua xala dinhohenu dia ngene dia athu a Nzambi, kala o dinhohenu dia Nzambi mu kizuua kia kasambuadi.