Jisálamu 91:7 - O Mikanda Ikola

⁷ Né kua dibhale midi bhu mbandu ié, né kuinhi dia midi ku lukuaku lué lua dilu, eie bhobho ki ki ku bhixila.

Jisálamu 91:7 ပူးပေါင်းရင်းမြစ်များ

Dimatekenu 7:23

Ima ioso ia muenhu anga i jimuka ku thandu dia mavu, tunde ku muthu, ni ibhaku, ni kibamba, ni njila i bhita bhulu; iene joso ia jimi mungongo; Noué ngó ua subhuka-ku ni iá a kexile-nê mu álaka.

Jisálamu 32:6

Mukonda dia kiki, uoso uabhu o kubhuma, a dikole ko kué mu thembu i xikina ku mu ivua; o kia-nda kuiza menha mavulu, ma di bhange masenza, bhuemana muene ka bhiẋila-bhu dingi.

Jelemiia 39:18

Mukonda ni kidi kiene, nga-nda ku ku bhulula, o ku xibhata kua kà di bhala-ku; maji o muenhu ué uene ua-nda ku kala o mbole ié, mukonda ua dielela kokuami, eme ngi Jihova.

Josuué 14:10

O kiki-phe ua mono, Jihova ua ngi bhake hanji ku muenhu, kala kia ki tanga muene, makuinhi auana a mivu ni itanu ioso iii, tunde Jihova kia zuela o maka iá kua Mozé, mu thembu ioso iala hanji anʼa Izalaiele mu kuenda mu kikangalakata; leluʼidi-phe hanji eme-ami-ú, ngala kiá mu makuinhi nake a mivu nʼitanu.