Jisálamu 91:2 - O Mikanda Ikola

² ua kéla kuma: Jihova dilengelu, kimbaka; Nzambi iami, nga dielela kua muene.

Jisálamu 91:2 ပူးပေါင်းရင်းမြစ်များ

Dimatekenu 17:7

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

Jisálamu 14:6

Ngadiama uandala kuzuela, enu-phe mu mu tobhesa, maji Jihova-phe muene dilemba diê.

Jisálamu 142:5

Nga dikola-phe ko kué, u Jihova, ngixi: Eie-muène u dilengelu diami; eie ngó u dibhandulukilu diami, kʼulu dia mundu kunu.

Jisálamu 142:6

Ngi suue, Ngana, o kudikola kuami, kuma nga tunuka kiavulu. Ngi kudile kua ió ala ku ngi zuididika, kuma ene, eme a ngi tundu mu nguzu.

Jisálamu 18:2

Jihova muene ditadi diami dia kipena, muene mbonge iami ia ku di kondela, kilolo kia ku ngi kudila; muene Nzambi iami, mbonge iami, nga dielela kua muene; muene ngubu iami, lumbinga lu ngi bhângela, ditala diami dia di leka.

Jisálamu 18:3

Ngenda ni kudikola kua Jihova, ua fuama o ku mu ximana; kiene ki ngi bhulukila ku jinguma jami.

Jisálamu 25:2

Nzambi iami nga ku dielela, kana ku ngi kakula, kuehele jinguma jami ku ngi tolola!

Jisálamu 31:15

Mukonda o ithangana iami iala bhu maku mé; ngi kudile bhu maku a jinguma jami, ni kua ió ala ku ngi zuididika.

Jisálamu 43:4

Phala ngi bhixile bhu kalatódio ka Nzambi, kua Nzambi uène o kusanguluka kuami kua dikota; o mu ku ku ximana, ngi ku imbila ni kakoxi, u Nzambi, Nzambi iami, tata!

Jisálamu 46:1

Nzambi dilengelu dietu, nguzu ietu, kota dia dikuatekesu dia zukama mu jiphaxi.

Jisálamu 46:2

Kienhiki, ki tu kala ni uoma, né-mbe oxi izamba, mba milundu iê i suetuka katé mu kaẋi ka musanza ua kalunga.

Jisálamu 48:14

Mukonda o Nzambi i kala kiki, muene Nzambi ietu tu xalela-nê katé ku hádia; muene u kala kilolo kietu kia ku tu endesa katé bhu ufilu.

Jisálamu 61:5

Kuma eie, Ngana Nzambi, ua ngʼivu kioso ki nga di hambelela; eie ua ngi bhana o undundu ua fuama akua uoma ué.

Jisálamu 71:3

U ngi kale u ndánji iami ia kutungila, ia uabha o ku lengela jinga phala ngi bhuluke; mbata eie ua bhana kiá o kitumu kia ku ngi bhulula, kuma eie u ditadi diami dia kipena, u kimbaka kiami.

Jisálamu 91:9

Eie bhobho-phe, uila: Jihova dilengelu diami, Suke-ku muene kimbaka.

Jisabhu 18:10

Dijina dia Jihova mukua ni mbonge ia matala ia di jikidila; muthu uoso ua iuka, kuene kua lengela, anga a mu bhaka kididi kia kondama.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Jelemiia 31:1

Jihova uixi: Mu izuuʼomo nganda ku kala eme ngi Nzambi ia miji ioso ia Izalaiele, ene a kà kala kifuxi kiami.

Luka 20:38

O Mozé mu kuzuela kiki, uambe kuila o Nzambi-phe ki Nzambi ia afi, maji Nzambi ia athu a muenhu. Mukonda ene oso muene, ku mesu ma Nzambi, iá-uâ ni muenhu.

Jihebeleu 11:16

Uila kiki, o bhezabha-phe a mu sota ixi ia beta o kuuabha, o ixi ia diulu. Nzambi kiene kia mu kambesa kukala ni sonhi ia ku mu luka kuma muène Nzambi iâ-ene, mukonda muène ua a iudikila kiá dibhata.